命 · 運

有乜講乜 於 26/03/2019 發表 收藏文章
命運早注定,還是未來由我創。呢個係哲學問題定係玄學問題?兩樣都係。

咁命係乜,運又係乜呢?喺玄學角度睇就可以係體用嘅關係。

參考維基百科: 命運,又稱「宿命」,日本、韓國稱「運命」,字面上意義是指生命的經歷。命指生命,運即經驗歷程。宿命論者相信命運不可以改寫,因為人不可窺探預知命運,命運存在任何的角落上,只是無法接觸。命運只是個人的主觀意識觀念而已。

睇完之後有無清楚咗啲?我就覺得仲謎咗。喺玄學嘅睇法: 命,運呢兩樣嘢喺你出世嗰日已經留低咗啲密碼俾你。透過呢啲密碼,可以對你嘅人生有一個推斷,呢個推斷可以係過去,現在或者係未來。但呢啲密碼推斷出嚟嘅事情只係一種類同,模糊不清嘅概念,濛濛瀧瀧咁。就好似隔住塊舖滿灰塵嘅玻璃望過去咁,估下估下。好多時都要用發生咗嘅事嚟配合返個推斷,再解釋返個密碼點解會有咁嘅推斷嚟引証返嗰套密碼係堅有料。你又唔好理,啲人又好接受呢種神神秘秘,似是而非嘅推斷模式。不過總有啲勁科學嘅人話係呃神騙鬼,你哋自我對號入座啫。呢啲同尼斯湖水怪,開膛手傑克,外星人一樣都係現今不解但又不能绝對否定嘅嘢。其實如果有百份百準,百份百啱,咁呢個世界會變成點?你同我即刻可以放工,退休唔使做。因為人生原來係注定晒,咁就點搞都無所謂啦,都改變唔到嘅,係咪?咁我哋又唔好將呢樣嘢二元化。即係唔係零就肯定係一。又唔係所有嘢都係咁嘅,黑同白中間都有灰啦。有趣嘅正正係中啲唔中啲先好玩。

呢套用密碼推斷人生的遊戲仲有一個好正嘅特色,就係運呢樣嘢。一般人講有運行就係好嘢。但呢個遊戲講嘅運係一生人每十年嘅際遇上落好壞顺逆。有幾好?有幾衰?都係估估下,靠相對比較又可以體現到好運同衰運嘅分別。另外,最好玩,最值租嘅係,原來呢個運係可以俾你利用嘅。行好運就谷,倍大成就; 行衰運就縮,減低損失。咁即係,命運注定得嚟又可以適度掌控,咁仲唔正?

呢個遊戲其實幾好玩,識玩嘅人未必會用準唔準嚟形容呢樣嘢,好多時佢哋會用「應」(粤語第五音讀)。

最後人生是本,密碼是末。

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→