每個人心入面都有隻鬼

有乜講乜 於 18/05/2019 發表 收藏文章
每個人心中都有隻鬼,覺得有啲嘢只有自己至明,其他人唔會明唔會知。

好似有個IT界嘅朋友,佢經常要應付公司啲同事對IT嘅不同又重覆嘅提問,好似hang咗機喎,點解做唔到copy & paste 附件嘅,個outlook又爆咗,點樣做backup……等等等等。喂,大佬你問咗呢啲問題幾千次啦,答都答咗你千幾次啦,有無咁低能呀!

又有啲人偏好用啲懶求知懒scientific嘅提問方式扮晒好想搞清楚個問題又懶有IT底咁笑笑口懶nice咁指出: 我check過X啦,好有趣,仲有好多位吖,部機無理由慢咗㗎,會唔會個XX食咗啲RAM呢?如果tune下個XXX會唔會……………… 夠嘞夠嘞,你識條鐵咩?你得嘅就唔使揾我啦,揾得我,你再講都只係証明你有幾無知嘅啫,喂,你唔係想我由0101開始講解你知呀,我搞IT咋,搞完就走㗎啦,你咪玩啦……想學嘢去工聯會啦笨。


呢隻鬼就係IT人永遠覺得其他人根本唔知乜嘢係IT; 其他人完全唔了解IT嘅問題,而其他人更加唔了解呢啲IT嘅問題係連IT人都唔會完全了解係乜嘢問題同埋係乜嘢原因引致呢啲IT問題。所以好多時你收到嘅回答係: 有啲bug,你試下reboot 部机先啦。

好多人成日講: 你唔明㗎嘞……
又或者講: 你明唔明我講乜……

呢啲人總係以為只有自己至會明,其他人就講極都唔明,甚或者其他人根本就唔夠壇數去明白佢睇得到嘅懶深奧意思。呢隻扮深奧搞到自己好似好勁,人哋好似好膚淺咁嘅鬼有個專用名稱 – 就係嚇鬼。呢隻目空一切,自以為是,眼中天空小如井口就如井底之蛙嘅鬼就係蛙鬼。

唔想做蛙鬼就要開放自己眼光,摒棄偏見接受世界,咁你就可以搣甩隻鬼做返個人,變做蛙人。睇到嘅世界就自然完全唔同晒。又點止剩係得個天空吖。

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→