連104分鐘都忍唔到,又點忍五十年喇

有乜講乜 於 07/08/2019 發表 收藏文章

連104分鐘都忍唔到,又點忍五十年喇

喺幾年前有套104分鐘長嘅香港電影不單只俾強大市場封殺,仲俾自己人批判刁難同埋二次封殺。甚至連香港電影金像獎都要承受藝術以外嘅巨大壓力。呢部最佳電影講咗幾個故事,幾個關於未來十年嘅故事。

好多電影都講關於未來嘅故事,好似回到未來啦,未來警察啦,東方三俠啦,未來戰士啦,人工智能啦,流浪地球啦,點解唔使被封殺?

嗰套電影講香港㗎!咁其他最佳電影都有講香港啫,好似女人四十,新不了情,英雄本色,甜蜜蜜都係講香港啦。

嗰套戲題材敏感嘛。咁黑社會呢?樹大招風呢?無間道呢?千言萬語呢?

根據維基百科,套戲被封殺嘅說法係:

電影因內容涉及香港人權、民主、言論自由受威脅的現況,加上涉及包含香港獨立、自決等敏感政治話題,被指是香港社會的「預言書」。

中共官方保守派媒體《環球時報》2016年1月22日社評聲稱呢套戲的導演者宣揚所謂絕望的「思想病毒」,「在內地人看來,這部片子是完全荒誕的,它所描繪的場景十年後不可能在香港出現」,「它這個時候冒出來,帶給香港社會的害處很可能大過好處」

就係咁,就封殺咗嘞。

如果你話套戲係預言書就要封殺,咁聖經要封,通勝要封,推背圖要封,燒餅歌要封,百詩集都要封,叮噹都要封。

睇返套戲到宜家已經過咗4年嘞,有幾多真係發生咗呢?唔通真係浮瓜到有前一哥揾黑社會開槍打建制派議員屈反對派,仲每人俾50萬安家費咩?唔通真係有人為支持其他人想爭取嘅理念自焚呀?唔通真係連叮噹都禁咗咩?唔通真係唔識普通話,剩係識講廣東話就揾唔到食呀?唔通有人揾自己做標本咩?故仔嚟啫,睇多幾年就見底啦。

你自己都話套戲嘅預言荒誕,無可能出現。咁有乜好怕呢?禁嚟托咩?除非你自己都驚個故仔唔係故仔啦。104分鐘都驚,幾時先驚到50年呀。

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→