好多人都對科技近乎痴迷，無論係汽車、手錶、手機、notebook、Apps 、影音器材、等等都樂於追逐。追下追下變咗專家，專到乜都唔理就登嶺成宅。點解咁多人鍾意追科技呢？呀，呢個問題問得好嘞，之唔係便捷，新奇又好玩囉。當今最受歡迎嘅科技係互聯網肯定無乜人會反對，呢樣科技將人對時間同距離嘅原有認知重新定性。咁正嘅科技人人鍾意，其實暗藏殺機，温水煮蛙，你俾佢煮熟咗你都仲懵閉閉。依家等我哋睇请楚科技點樣廢你武功，自己避忌下啦。
忌one - 以快打快
天下武功，唯快不破。從前資訊傳递靠手，靠信，靠傳真(fax)。出招快極都可以預計得到，招架得住，妨且出拳越重，拳速越慢，準繩度越難掌握，越多破綻。以最快嘅傳真為例，出拳輕啲，一張紙，破绽少，準繩高，拳速快。但如果出重拳，三十九幾張紙呢，咁變數就多好多嘞。紙要逐張逐張過機，中間涉咗纸，成份就唔齊，有時對家又唔夠紙，亂咗，又要補返呢張又要補返嗰張，搞得幾搞，一個重拳隨時搞你粒幾兩粒鐘，想快都難。咁你想避又得，擋又得，拆擋還招反功都仲得: 喂！你又話fax咗俾我，都唔齊，你要我逐張同你跟咩？成份再fax過嚟啦，唔該！依家呢，一個email撳個掣就搞掂你，拳重拳快拳準，中！無得話收唔到，俾你話真係收唔到喎，撳多次掣再出拳，重，快，準，又中。就係咁，一日就要接百九幾拳。當你平均用兩分鐘擋拆一拳吖，呢百九幾拳就用咗你六粒幾鐘嘞。呢招傷己傷人，耗到你失魂，搞到你無晒時間，乜都做唔到，問你點破。
忌two - 千手觀音
一出掌，全世界中掌，係以一敵百嘅武功。一代武術家，喺精武門套戲入面踢館嗰場，一個打十九幾個。講近啲，我要打十個，以一敵十。從前要張文件發送出去，一定諗得好清楚邊啲人一定要有連附件，邊啲人淨係需要cover letter，免得過其他唔關事嗰啲阿邊個邊個就盡量慳番。事關以前發送文件9成都係靠hard copy，送出文件隨時連埋c.c. (抄送)閒閒地八，九幾份，計埋附件又影印，又訂裝，又入文件袋，又貼郵票，又打地址，分分鐘一份發送文件搞你粒幾兩粒鐘。所以，以前啲人出招要求好精準，確保自己唔使俾班Admin姐姐怒睥，單打，問安甚至關心你識唔識做嘢之餘仲會教返你轉頭，冒求你嘅無知唔好累到佢哋要開OT。今時今日呢啲煩惱無晒。科技令你只須要撳一個key, 係keyboard個key，就可以發送文件連附件俾晒啲關事嘅人同埋啲九唔搭八嘅茂利。所以，你依家成日都會收到啲九唔搭八嘅電郵，完全唔知點解自己喺乜嘢情況下會同呢堆電郵發生關係。呢招有殺錯無放過就將你苦練多年嘅出拳準繩度廢咗。後學者拳準就直投失傳啦。連帶判斷力都失傳。廢咗。
忌three – 無招勝有招
以前科技落後，手提電話都唔係人人都有。約人出街，樣樣要預先講清楚，如果唔係隨時變成見到就見啦。又因為出咗街，中途有變都無辦法通知對方，所以嗰陣時一係好準時，一唔係就要等，又唔敢走開，好多人都有試過等四，五粒鐘嘅經驗。曾經有人等人等到發瘟想煙食又無火，由肚飽等到肚餓，尿急又唔敢去厠所，由發姣等到發火。最後嗰句係咪好有feel喇？你諗下幾大件事。資訊唔發達，承受錯嘅空間就缩少，約人又好，去街又好，行山郊遊又好全部都要好好計劃，預計可能會發生嘅意外。約咗人嘅更加有多一份「交帶」，即係責任心。招式套路無得甩，要操，仲係要真勁操。今時今日，科技幫你解決晒啲問題，good晒。約咗人，3點旺角到時電聯，幾cool幾free。唔使操拳，無套路，free style無招勝有招。無咗問題同時拎走埋鍛鍊。好似而家啲父母咁，幫啲小朋友安排好晒玩呢啲，學嗰啲，讀呢啲，食嗰啲，贏在起跑線，成個成長都庇受愛顧，無晒問題，同時無咗鍛鍊嘅經驗。越便利嘅科技，令人越陶醉越享受，樂於追逐，最後醉死其中。你解決問題嘅能力，預計情況嘅洞察力，遇事應變嘅判斷力全部荒廢晒。即使係最鋒利嘅寶刀，無機會用，都會有生銹嘅一日。又好似最愛嘅經典復刻AJ11黑白版波鞋，長期唔著就甩底收場。所以長期唔使用腦，廢咗。
忌four – 技不如人
天下武功各派各門，拳脚兵刃百花齊放。窮一生精力都只可窺探一二，又豈能博覧繁星。當中又以招式變化多端居多。一門功夫，都夠玩足一世。好可惜功夫招式變化再多，喺科技面前簡直無訂企。科技更新如迅雷疾風，今日你千辛萬苦學識ICQ噢噢，轉過頭成街玩緊WhatsApp。最慘係你生不逢時，以優等成績考入神科Computing Studies，以為搞掂食碗麵，點知就係咁跌咗落無間地獄，同偉仔劉華同grade。
根據百度百科 : ‘无间在佛家中说，十八层地狱的无间地狱，梵名Avici ，音译作阿鼻；为八热地狱之第八，为最苦处。位于南胆部洲（即阎浮提）之地下二万由旬处，深广亦二万由旬，坠此地狱之有情，受苦无间断。凡造五逆罪（即：杀母、杀父、杀阿罗汉、破和合僧、出佛身血等）之一者，死后必坠於此。
你睇吓，唔小心楝錯科就等同殺父殺母咁大鑊。人力有限，科技無間。你每日都係喺度追追逐逐，今日學咗啲新program，聽日就已經out咗，又要再學過，又再被out…… 輪迴無間直至被完全淘汰….. 你估直係終生學習咩！人好得意嘅，頭幾次俾人淘汰當考驗，甚麼遇強越強呀，迎難而上呀，挑戰未來呀咁，幾熱血呀！不過久而久之，鬥志消磨，長期受壓，心理狀態未必能一直保持高水平。而且每次被淘汰，戰鬥力削減程度一次比一次嚴重，Recovetability亦越嚟越差。一下真係跟唔上，即刻收工無飯開，隨時要轉行重新嚟過。就好似你啱啱摸熟佢嘅功夫路咁，佢又粒聲唔出就變招，永遠被動，直至俾人KO為止。一生所學，化為灰燼。好灰，不過好真實。所以揀科都要諗下自己有無能力招駕到嗰啲不停變化嘅行業。
最後科技是幫你，唔係控制你。睇到佢嘅好，都要避忌佢嘅唔好。以科技為用，以四忌為戒。
忌one - 以快打快
天下武功，唯快不破。從前資訊傳递靠手，靠信，靠傳真(fax)。出招快極都可以預計得到，招架得住，妨且出拳越重，拳速越慢，準繩度越難掌握，越多破綻。以最快嘅傳真為例，出拳輕啲，一張紙，破绽少，準繩高，拳速快。但如果出重拳，三十九幾張紙呢，咁變數就多好多嘞。紙要逐張逐張過機，中間涉咗纸，成份就唔齊，有時對家又唔夠紙，亂咗，又要補返呢張又要補返嗰張，搞得幾搞，一個重拳隨時搞你粒幾兩粒鐘，想快都難。咁你想避又得，擋又得，拆擋還招反功都仲得: 喂！你又話fax咗俾我，都唔齊，你要我逐張同你跟咩？成份再fax過嚟啦，唔該！依家呢，一個email撳個掣就搞掂你，拳重拳快拳準，中！無得話收唔到，俾你話真係收唔到喎，撳多次掣再出拳，重，快，準，又中。就係咁，一日就要接百九幾拳。當你平均用兩分鐘擋拆一拳吖，呢百九幾拳就用咗你六粒幾鐘嘞。呢招傷己傷人，耗到你失魂，搞到你無晒時間，乜都做唔到，問你點破。
忌two - 千手觀音
一出掌，全世界中掌，係以一敵百嘅武功。一代武術家，喺精武門套戲入面踢館嗰場，一個打十九幾個。講近啲，我要打十個，以一敵十。從前要張文件發送出去，一定諗得好清楚邊啲人一定要有連附件，邊啲人淨係需要cover letter，免得過其他唔關事嗰啲阿邊個邊個就盡量慳番。事關以前發送文件9成都係靠hard copy，送出文件隨時連埋c.c. (抄送)閒閒地八，九幾份，計埋附件又影印，又訂裝，又入文件袋，又貼郵票，又打地址，分分鐘一份發送文件搞你粒幾兩粒鐘。所以，以前啲人出招要求好精準，確保自己唔使俾班Admin姐姐怒睥，單打，問安甚至關心你識唔識做嘢之餘仲會教返你轉頭，冒求你嘅無知唔好累到佢哋要開OT。今時今日呢啲煩惱無晒。科技令你只須要撳一個key, 係keyboard個key，就可以發送文件連附件俾晒啲關事嘅人同埋啲九唔搭八嘅茂利。所以，你依家成日都會收到啲九唔搭八嘅電郵，完全唔知點解自己喺乜嘢情況下會同呢堆電郵發生關係。呢招有殺錯無放過就將你苦練多年嘅出拳準繩度廢咗。後學者拳準就直投失傳啦。連帶判斷力都失傳。廢咗。
忌three – 無招勝有招
以前科技落後，手提電話都唔係人人都有。約人出街，樣樣要預先講清楚，如果唔係隨時變成見到就見啦。又因為出咗街，中途有變都無辦法通知對方，所以嗰陣時一係好準時，一唔係就要等，又唔敢走開，好多人都有試過等四，五粒鐘嘅經驗。曾經有人等人等到發瘟想煙食又無火，由肚飽等到肚餓，尿急又唔敢去厠所，由發姣等到發火。最後嗰句係咪好有feel喇？你諗下幾大件事。資訊唔發達，承受錯嘅空間就缩少，約人又好，去街又好，行山郊遊又好全部都要好好計劃，預計可能會發生嘅意外。約咗人嘅更加有多一份「交帶」，即係責任心。招式套路無得甩，要操，仲係要真勁操。今時今日，科技幫你解決晒啲問題，good晒。約咗人，3點旺角到時電聯，幾cool幾free。唔使操拳，無套路，free style無招勝有招。無咗問題同時拎走埋鍛鍊。好似而家啲父母咁，幫啲小朋友安排好晒玩呢啲，學嗰啲，讀呢啲，食嗰啲，贏在起跑線，成個成長都庇受愛顧，無晒問題，同時無咗鍛鍊嘅經驗。越便利嘅科技，令人越陶醉越享受，樂於追逐，最後醉死其中。你解決問題嘅能力，預計情況嘅洞察力，遇事應變嘅判斷力全部荒廢晒。即使係最鋒利嘅寶刀，無機會用，都會有生銹嘅一日。又好似最愛嘅經典復刻AJ11黑白版波鞋，長期唔著就甩底收場。所以長期唔使用腦，廢咗。
忌four – 技不如人
天下武功各派各門，拳脚兵刃百花齊放。窮一生精力都只可窺探一二，又豈能博覧繁星。當中又以招式變化多端居多。一門功夫，都夠玩足一世。好可惜功夫招式變化再多，喺科技面前簡直無訂企。科技更新如迅雷疾風，今日你千辛萬苦學識ICQ噢噢，轉過頭成街玩緊WhatsApp。最慘係你生不逢時，以優等成績考入神科Computing Studies，以為搞掂食碗麵，點知就係咁跌咗落無間地獄，同偉仔劉華同grade。
根據百度百科 : ‘无间在佛家中说，十八层地狱的无间地狱，梵名Avici ，音译作阿鼻；为八热地狱之第八，为最苦处。位于南胆部洲（即阎浮提）之地下二万由旬处，深广亦二万由旬，坠此地狱之有情，受苦无间断。凡造五逆罪（即：杀母、杀父、杀阿罗汉、破和合僧、出佛身血等）之一者，死后必坠於此。
你睇吓，唔小心楝錯科就等同殺父殺母咁大鑊。人力有限，科技無間。你每日都係喺度追追逐逐，今日學咗啲新program，聽日就已經out咗，又要再學過，又再被out…… 輪迴無間直至被完全淘汰….. 你估直係終生學習咩！人好得意嘅，頭幾次俾人淘汰當考驗，甚麼遇強越強呀，迎難而上呀，挑戰未來呀咁，幾熱血呀！不過久而久之，鬥志消磨，長期受壓，心理狀態未必能一直保持高水平。而且每次被淘汰，戰鬥力削減程度一次比一次嚴重，Recovetability亦越嚟越差。一下真係跟唔上，即刻收工無飯開，隨時要轉行重新嚟過。就好似你啱啱摸熟佢嘅功夫路咁，佢又粒聲唔出就變招，永遠被動，直至俾人KO為止。一生所學，化為灰燼。好灰，不過好真實。所以揀科都要諗下自己有無能力招駕到嗰啲不停變化嘅行業。
最後科技是幫你，唔係控制你。睇到佢嘅好，都要避忌佢嘅唔好。以科技為用，以四忌為戒。
請按此登錄後留言。未成為會員? 立即註冊