閱讀理解 · 理解閲讀 （四）只係配對咁簡單 精選

閱讀理解嘅套路就係你出呢招我就出嗰招拆你，亦即係「你咁問呀我咁答Law」。同學們好多時係唔明佢問乜又知應該答乜。首先搞清楚個觀念，呢套定律係為考試並唔係為文章欣賞。因為個考試制度無時間俾你欣賞，純快餐無感情。就算你答啱晒啲問題，你都未必真正了解編文講乜。你要有呢個思想準備。

温習嘅時候首先將問題分類，再將每類問題嘅可能答案列晒出嚟。跟住就係做配對form個套路出嚟。套路係用嚟操嘅，攞一套出嚟試下再搞清楚啲啦。

問: 文中第x段用了甚麼抒情手法寫作？(分類: 係抒情手法)
可能答案如下:
答一: 直接抒情手法
答二: 間接抒情的借景抒情
答三: 間接抒情的借物抒情
答四: 間接抒情的借事抒情

配對拆招: 即係文中第x段嘅內容嘅配對
內容一: xxxxx我感到充滿希望xxxx (答一)
內容二: xxxxx晨曦一樣令人充滿希望xxxx (答二)
內容三: xxxxx燦爛開放的向日葵令人充滿希望xxxx (答三)
內容四: xxxxx終點就在眼前一樣，希望就在眼前xxxx (答四)
套路就係咁樣form咗出嚟，配對拆招就係要操嘅套路。

坊間好多書都清楚列出問題分類同埋所有可能答案(列表)，操熟佢。咁樣就可將不確定性詳列出嚟減低恐懼。然後做最容易嘅工作，就係用文章內容配對答案。咁以後見到問題已經知道會答乜，淨係睇文章屬於邊個答案就搞掂，that's it。

操練時候，主要係揸住張列表做文章分析清單; 睇住條問題揾分類，睇住编文章配答案。

武術套路是一連串含有技擊和攻防含義的動作組合。是一些臨敵攻防時的拆解技巧，把這些技巧凝固為「招式」，並且把一連串攻防常用的招式串連為「套路」，供紀錄及平素操練時使用的習慣。
袐笈喺度嘞，都要自己練功至得。

知道點樣應付啲問題啦，可以好好享受閱讀，你就有機會理解閱讀帶俾你嘅樂趣。呢個係本。