松果能知過去未，見得到未來，咁一切都係整定？
呢個松果同松樹無關。亦唔係啲乜嘢玄學風水法器。呢個其實係喺你個腦入面正中央嘅一個似松果咁樣嘅腺體。呢粒其實係叫松果體。宜家有好多人對佢好有興趣，話佢可以帶嚟終極嘅喜悦，又可以帶你睇到過去未來，又可以帶你見到啲你從未見過，但又比真實還要更真實嘅事物。更有人話，呢粒嘢可以幫你開天眼，又或者叫第三隻眼。直投勁個星爺嗰隻「天~眼~通」。甚至，呢粒嘢可以令你超越生死輪迴，幫你睇到前世，今生，及後世。連靈魂出竅都做得到。所以，如果你搞得掂呢粒松果體，你就可以知道晒你呢生人嘅命運。咁啲乜嘢八字命理呀，紫微斗數呀，鐵板神算呀，占卜星相呀全部都要行埋一邊。但係喺你未能完全掌握到呢粒嘢點用之前，呢啲所謂嘅玄學仍然係你唯一可以週街都揾到，等你睇下未來會點嘅又暫時最容易接觸嘅方法。
有啲人話命運係注定嘅，又有啲人話命運係可以改變嘅。咁你又信邊樣呢？咁命理風水學又提供都啲乜嘢比你呢？其實好多信命運嘅人都好茅盾，佢哋去揾人睇自己條命，希望嗰啲人可以話比佢知佢將來會點，咁即係信條命係整定㗎啦，唔係啲人憑乜嘢講到你將來啲嘢呀。揾人問命其實本身呢樣嘢係無問題嘅，就好似你買咗本千九幾頁嘅故事書，開咗個頭睇咗兩，三個鐘都淨係睇咗十九幾頁，兼且呢十九幾頁嘅故事睇落平平淡淡，甚至乎有啲悶悶地唔係好happy嘅感覺，故事入面講緊嘅主角，又無乜特別，所經歷的遭遇平淡得嚟又唔多順利，無乜突破。再諗下，咁貴買本書返嚟，書就一定要睇晒，但係睇晒本書可能要成百九幾日。你一路睇一路諗，個故事會唔會一直都係咁平淡無味，無乜啲令人振奮嘅橋段呢。呢個時候，有啲人會去坊間揾啲書評睇下，想知道個故事大致會點同有乜要留意。又或者有啲人會揭去本書中間睇下，睇下個主角會唔會好威又或者好慘呀，有無感情線呀，又或者條感情線順唔順呀咁。甚至有啲人會睇咗個結局先返轉頭睇下自己用乜嘢角度或者心情去睇埋本書。呢啲都係人之常情啫。
如果你認定條命係整定嘅，最希望嘅就梗係不勞而獲，乜都唔使煩，個天俾咗個想威就有得威，想愛就有得愛，想叻就有得叻嘅故事俾你，等你一生人有高無低，逢凶化吉，運籌唯握，順順利利，靚靚正正，姻緣美滿，快快樂樂，屢遇奇逢嘅故事啦。不過，萬一你知道你條命唔係咁四正，多災多難多病痛，無錢無面無情緣。咁你仲想唔想命運係整定吖？如果真係整定，我諗你直投想投過胎，重新做人啦。呢個時候，你可能情願相信命運係可以改變嘅，係可以催吉避凶嘅，係咪？咁個茅盾就出咗嚟嘞。
命運係要整定，先會有個故事劇本可以俾啲人話返俾你知你將來會點點點。如果可以改，咁就好似啲编劇或導演咁成日改劇本，再嚴重啲，直投日日飛紙仔，加埋後期製作加工剪接，套戲一日未上畫，一日都唔知個故事係點。可能套戲上嗰陣，成個故事同Day 1 你sell俾個老细講嘅完全唔同都仲得。咁即係你今日問命，同聽日問命，又或者下個禮拜問命，都會有唔同嘅將來啦。但其實，可能……只係可能，你攞去問命嘅資料可能從來都係嗰啲，無變過，不過問命日子不同，人生故事就不同，今日問係好運，聽日問可能變咗衰運，再遲啲問又可能變返好運……。你會接受呢個有咁多可能嘅茅盾嗎？
呢個松果同松樹無關。亦唔係啲乜嘢玄學風水法器。呢個其實係喺你個腦入面正中央嘅一個似松果咁樣嘅腺體。呢粒其實係叫松果體。宜家有好多人對佢好有興趣，話佢可以帶嚟終極嘅喜悦，又可以帶你睇到過去未來，又可以帶你見到啲你從未見過，但又比真實還要更真實嘅事物。更有人話，呢粒嘢可以幫你開天眼，又或者叫第三隻眼。直投勁個星爺嗰隻「天~眼~通」。甚至，呢粒嘢可以令你超越生死輪迴，幫你睇到前世，今生，及後世。連靈魂出竅都做得到。所以，如果你搞得掂呢粒松果體，你就可以知道晒你呢生人嘅命運。咁啲乜嘢八字命理呀，紫微斗數呀，鐵板神算呀，占卜星相呀全部都要行埋一邊。但係喺你未能完全掌握到呢粒嘢點用之前，呢啲所謂嘅玄學仍然係你唯一可以週街都揾到，等你睇下未來會點嘅又暫時最容易接觸嘅方法。
有啲人話命運係注定嘅，又有啲人話命運係可以改變嘅。咁你又信邊樣呢？咁命理風水學又提供都啲乜嘢比你呢？其實好多信命運嘅人都好茅盾，佢哋去揾人睇自己條命，希望嗰啲人可以話比佢知佢將來會點，咁即係信條命係整定㗎啦，唔係啲人憑乜嘢講到你將來啲嘢呀。揾人問命其實本身呢樣嘢係無問題嘅，就好似你買咗本千九幾頁嘅故事書，開咗個頭睇咗兩，三個鐘都淨係睇咗十九幾頁，兼且呢十九幾頁嘅故事睇落平平淡淡，甚至乎有啲悶悶地唔係好happy嘅感覺，故事入面講緊嘅主角，又無乜特別，所經歷的遭遇平淡得嚟又唔多順利，無乜突破。再諗下，咁貴買本書返嚟，書就一定要睇晒，但係睇晒本書可能要成百九幾日。你一路睇一路諗，個故事會唔會一直都係咁平淡無味，無乜啲令人振奮嘅橋段呢。呢個時候，有啲人會去坊間揾啲書評睇下，想知道個故事大致會點同有乜要留意。又或者有啲人會揭去本書中間睇下，睇下個主角會唔會好威又或者好慘呀，有無感情線呀，又或者條感情線順唔順呀咁。甚至有啲人會睇咗個結局先返轉頭睇下自己用乜嘢角度或者心情去睇埋本書。呢啲都係人之常情啫。
如果你認定條命係整定嘅，最希望嘅就梗係不勞而獲，乜都唔使煩，個天俾咗個想威就有得威，想愛就有得愛，想叻就有得叻嘅故事俾你，等你一生人有高無低，逢凶化吉，運籌唯握，順順利利，靚靚正正，姻緣美滿，快快樂樂，屢遇奇逢嘅故事啦。不過，萬一你知道你條命唔係咁四正，多災多難多病痛，無錢無面無情緣。咁你仲想唔想命運係整定吖？如果真係整定，我諗你直投想投過胎，重新做人啦。呢個時候，你可能情願相信命運係可以改變嘅，係可以催吉避凶嘅，係咪？咁個茅盾就出咗嚟嘞。
命運係要整定，先會有個故事劇本可以俾啲人話返俾你知你將來會點點點。如果可以改，咁就好似啲编劇或導演咁成日改劇本，再嚴重啲，直投日日飛紙仔，加埋後期製作加工剪接，套戲一日未上畫，一日都唔知個故事係點。可能套戲上嗰陣，成個故事同Day 1 你sell俾個老细講嘅完全唔同都仲得。咁即係你今日問命，同聽日問命，又或者下個禮拜問命，都會有唔同嘅將來啦。但其實，可能……只係可能，你攞去問命嘅資料可能從來都係嗰啲，無變過，不過問命日子不同，人生故事就不同，今日問係好運，聽日問可能變咗衰運，再遲啲問又可能變返好運……。你會接受呢個有咁多可能嘅茅盾嗎？
請按此登錄後留言。未成為會員? 立即註冊