又一個年代嘅結束 , 又等待一個奇蹟發生 精選

又一個年代嘅結束，又等待一個奇蹟發生
 
被稱為黄金時代的2003年代，NBA出咗三個勁人。LBJ, DW同埋AC。而現在仍留在NBA每天都在創造新紀錄的就只有LBJ。佢已經係NBA all time 得分王，而往後佢每多攞一分，得分紀錄就因而改寫。而另外兩位，一個正式退休，另一個就等同退休。而LBJ亦步入佢球員生涯嘅最後階段，但佢仍然喺NBA有舉足輕重嘅作用。 
今年佢效力嘅球隊，由季中榜末爬升到剛剛完成附加賽，正式以第七種子進入西岸季後賽。咁幾乎已經係一個不可能，但佢哋仍然做到。不過，呢個並唔係LBJ唯一嘅奇蹟。喺佢為Cleveland 攞咗史上第一個NBA總冠軍嗰年，佢哋球隊喺總決賽七場四勝制中落後場數3比1嘅時候，全世界都以為NBA賽季立即就要完結，因為史上從來無一支球隊喺落後場數3比1嘅情況下可以反勝對方。不過，LBJ帶領球隊令賽季一再延後，直至佢哋追平場數去到3比3。要進入第七場嘅Final of Finals，真真正正嘅終極一戰。
 
呢場比賽戰況非常激烈，雙方僵持不下，直至最後皆段亦未能分出勝負。而其中最後時段，當對手搶奪球權，單刀進攻，對方前final MVP已經驣空上籃，先在空中避過對手，正要放球入籃之際，LBJ以為人熟悉嘅黃雀在後式從後封阻對手投球，重奪球權並重掌勝利嘅關建優勢。呢球封阻，時間上及決定性，就好比阿根廷喺世界盃決賽加時尾段，馬天尼斯用腳救出法國嗰球單刀波一樣咁關建。結果，LBJ歷史性帶領球隊從場數3比1落後而反勝4比3攞咗當年嘅NBA嘅總冠軍。亦成功地完成咗佢嘅Redemption，彌補咗佢對呢個城市同埋佢自己嘅一個決口。 
今年，第一個奇蹟已經做到。LBJ今季會唔會再創造更多奇蹟，甚至攞埋總冠軍呢？如果你問佢本人，我諗佢會答佢哋有能力擊敗聯盟內任何一支球隊。