談車仔麵

小時候住北角 , 記得北角村碼頭有不少食店 , 其中一間車仔麵店 , 每次去食也擠滿食客 , 有些因為剛下巴士 , 有些因為等船/下船 , 反正"順路" , 便坐下食碗車仔麵 , 麵一上 , 男女也大大啖 , 樹樹聲 。 記得那時阿爸成日帶我去食 , 一人三餸 , 他成日甲餸啤我變六餸 。至今難忘
人大了談戀愛 , 記得那時流行食拉麵(個時未到成舊水一碗咁誇) , 第一次約會看電影後想和女友去食拉麵

"拉麵? 食附近車仔面仲好啦 , 平靚正"

當時聽到呢一句的我 , 心中那份感動如雷轟頂 , 那一刻真係不禁心中一句 : 無拖錯人,搵到知音

人老了樣會變 , 但心唔會變 , 耐不耐就想食一碗 , 有時經過 , 忍不住又會入去食一碗。那怕"味道"已變哂質,不及從前。


現今的車仔麵已變哂質了 , 主要原因如下 :
1) 貴 以往是下價品的車仔面 , 現在食一餐分分鐘比食M記得貴絕不出奇。

2) 裝修 變哂格 , 高格調 , 試過去一間店食車仔面待應送上MENU ...... 食車仔面最令人期待係咩你知唔知 ? 就係入店睇下有咩餸個一刻。

,

3) 太健康 , 試過食豬腸 , 豬腸如沉漂白水 , 白到令我汗顏... 更令我汗顏的是豬腸中零肥膏.....


一碗好的車仔麵 , 個人心水如下

1) 豬腸 , 食車仔麵不食豬腸 , 如去吉野家不食牛肉飯 , 去肯德基不食雞般 ; 一間車仔麵店的豬腸好與壞 , 真係好重要 , 主要原因豬腸是車仔麵店餸銷量中前三位 ; 豬腸好比一間車仔麵店的命脈 , 整得不好 , 好難令食客回頭。

十個女人九個(外個人除外)鐘意食豬大腸 , 但一般你問佢鐘意食唔食 , 佢一般又講唔敢食/好少食 ; 一個女人單拖在車仔麵 , 麵中九成有豬腸 , 餘下的一成係賣哂食不到。
食豬腸最驚係咩 ? 以往最驚係怕鹵水太濃蓋掩哂豬腸味 , 現在最驚係豬腸真空冇肥膏


2) 豬皮豬紅 : 食豬皮最驚係有毛 , 其實你細心睇其實豬皮中有不少黑毛 , 一分錢一分貨 , 靚豬皮雖然都有一兩條 , 但起碼你見到會挑起他 , 成舊都毛就當食少舊 , 成碗都係就真係下次無回頭

豬紅 , 不知大家還記不記得電影<<食神>>中開頭一句 "D豬紅爛的" , 真豬紅真係會甲爛 , 現在香港其實無真豬紅 , 小時候就有 , 你現在茶樓/車仔麵店食到的都係鴨紅或人造豬紅 , 味道同舊時真係差好遠 , 現今的豬紅會豬紅味 , 真係純靠車仔面的汁去"釣"味。 所以整豬紅的汁水又係好重要 ,

呢兩樣下欄野要煮唔難 , 但要整到好食就難

3) 汁/辣油 算係一碗車仔麵的重要配角 , 因一般車仔麵店的湯也是清湯底 , 你頂龍加下色 , 乃至加下咖哩魚蛋汁等 , 但味一般也是淡為主(CWB榮記例外) , 所以汁和辣油顯得重要 , 汁 , 以往的車仔麵店有不少有蠔油汁 , 現在有蠔油汁的車仔面店愈來愈少了 。


4) 麵 我個人鐘意食油面 , 總感覺食車仔係配油麵最正 , 食油麵最重要鹼水味 。


其實仲有好多 , 如價錢 , 環境等 , 車仔麵好特別 , 近年流行的譚仔 , 大家食等感覺根也在車仔麵 , 只是加以變調 。


不知你的心目中最好食的車仔麵在那呢 ?


(封面照係屯門巴倫紐對面的招牌三豬麵 , 間野其中一個特色就是成支蠔油啤你任倒任食 )
(以往九十年代的北角的華記小食也是令人回味 , 但只限於九十年代)