愛是.............? 2 精選

係讀緊中五果陣,你認識到你初戀女友
你既初戀班上一位女同學,
佢唔算特別靚,之不過佢戴住一副黑色粗框眼鏡,
樣子帶點傻氣,有別於一般庸脂俗粉,令你迷上左佢
佢亦都畀你既忠厚老實吸引住
你兩個好自然咁就走埋一齊

縱然你有幾咁老厚都好,你始終都只係一個十六七歲既年青人
血氣方剛,自然係會有性需要 每次當你提出要求果陣,
「同我一齊,你係為性定係為愛?」
你都唔識點答,
但唔緊要,你仲有你既一對手可以幫你解決你既需求

卒之去到會考,你夠分原校升,佢就要去左間雞校度升中六
本來你地都好有信心能夠維持呢段關係,
但可能出於環境同際遇既轉變,
你地既感情最後無疾而終
當然,殘留係你地之間既,
只有一段似有還無既puppy love
奮鬥左兩年時間,本來出身公屋既你,
終於入到三大
你識到你第二個女朋友
呢位女朋友算係系內數一數二靚既女仔
據佢所講,佢同樣係鍾意你既忠厚老實
但佢絕對走你初戀走開既路線
佢最愛既打扮係熱褲迷你裙

早兩日,係巴士上,你見到你初戀,佢都留意到你
四目交投,但無語,
佢留畀你既
只有一個你曾經好熟悉,但冇辦法留得住既微笑

落車之後
你突然間問自己,到底係為左乜野先同現任女友係埋一齊? 「同我一齊,你係為性定係為愛?」
腦海裡面,你初戀女友成日問你既呢句說話,
唔知點解成日不自覺咁浮現出黎

你突然好後悔果晚同你現任一齊之前既果一晚,
因為果晚佢打黎同你哭訴失戀,
要你去老蘭搵佢
你地飲左好多酒,最後仲去埋酒店...
究竟愛是...........?