上一期與下一期

大家都知道小心輕看既經費幾咁緊絀，所以每期都係印到岩岩好。
有時個期派曬俾一班手足之後，某啲期數柳臣真係一本都冇。
好多人都覺得柳臣應該要保留起每一期既月刊，覺得係一種過去做過啲咩既證明，將來既一種紀念。

柳臣當然唔否認每期月刊都有佢既紀念價值。
但對於柳臣黎講，證明我過去曾經做過啲咩，係唔重要。柳臣重視既係，未來我會做出啲咩。
大家都覺得唔保留好上一期月刊好可惜，柳臣覺得唔保留下一期月刊先至叫做可惜。因為就算柳臣手上攞齊每一期既月刊，但係冇能力再產出新一期既月刊，過去既野都係冇意義。紀念係因為個樣野已經淨低紀念，而呢個唔係小心輕看成立既目的。
一樣野既價值係在乎佢點樣影響將來，柳臣一直深信小心輕看既下一期永遠比上一期更有價值，我深信下一期更好睇，我深信有下一期。
既然係咁，與其執著保留上一期月刊，倒不及更認真去做好下一期既月刊黎得有意義。
只有當小心輕看有能力不斷產出下一期，先可以令到佢既價值恆久不衰。

尤其係至今小心輕看仲未能夠做大做穩既時候，邊有閒暇去理值得紀念既野有冇好好保留留待他朝紀念。要紀念一樣野，先要成就佢。係小心輕看未有成就之前，就開始計較點紀念佢，會唔會太早。
我從來唔理手頭上有冇上一期月刊，專心去確保我手上有下一期月刊好過啦！
小心輕看總編輯柳臣字