呢個月一路做訪問，一路出月刊，又要處理競稿，可以話係一年以來最忙既一個月，到今日總算有少少時間靜落黎打呢段文字。
多謝支持、繼續支持、感激幫忙呢啲客氣說話就唔多講。
今次想同大家講三樣野：方舟、facebook、競稿制。
點樣起一艘方舟，神起方舟就好簡單，叫諾亞一個人就搞得惦。
但我地呢啲平凡人，要起一艘可以係狂風暴雨中存活既方舟就一啲都唔容易。又要有人揼釘、又要有人鋸木、又要有人油防水油。
而家既小心輕看，只係一塊浮木，大浪少少都會沉，但係如果我地每人都攞一塊木板黎，我地就可以一齊起一艘方舟。
網絡作者近排最關注既新聞，就係遲啲所有page都要賣廣告讀者先會睇到你個post。
即係話絕大部份做興趣，或者非市場定向既小品文，全部都會做唔落去。
食like玩光合作用既時代，已經唔存在。當大家都覺得紙媒無人睇，網文免費先係王道。fb一巴打醒曬所有仲係網上做免費文既作者，人爲刀俎，你爲魚肉，你做得幾好都係貢獻fb。
小心輕看一早認知到文手只依賴社交平台，係為他人作嫁衣。因此我地由創刊就明確要印紙，做訂閱，直接接觸讀者。就係為咗可以掌握文手既主動權，無須跟隨社交平台既規則去玩。社交平台只係一個宣傳平台（咁宣傳梗係要俾錢！），但唔係文手賴以生存既平台。
環境比想像中更嚴峻，意味住小心輕看更迫切需要進步。
多次擴編、改制、建立競稿，都係希望可以趕及係網絡小品文滅絕之前，建立起足以獨立生存既市場。
環境雖然愈黎愈惡劣，手中既時間愈黎愈少，但我地要做既事從來都不變，就只需要做好自己。
只要我地寫好啲文，寫出足以令讀者覺得有價值既文章，就會生存到落去。
而家我地仲會同所有網上文章比較，遲啲淨番賣廣告既文，佢地既文一定更全面倒向市場導向，到時競爭就更激烈。
與其到時先醒覺要面對競爭同挫敗，倒不如先係輕看內部引入競稿制。而我相信每位輕看編輯都有心同有能力係競稿制之下進步。
願意進步既人就會一齊進步，願意努力既人就會一齊努力，就係咁簡單。
訂閱方法:https://goo.gl/forms/EtCaF1t2ZGjgWj812
小心輕看總編輯柳臣字
多謝支持、繼續支持、感激幫忙呢啲客氣說話就唔多講。
今次想同大家講三樣野：方舟、facebook、競稿制。
點樣起一艘方舟，神起方舟就好簡單，叫諾亞一個人就搞得惦。
但我地呢啲平凡人，要起一艘可以係狂風暴雨中存活既方舟就一啲都唔容易。又要有人揼釘、又要有人鋸木、又要有人油防水油。
而家既小心輕看，只係一塊浮木，大浪少少都會沉，但係如果我地每人都攞一塊木板黎，我地就可以一齊起一艘方舟。
網絡作者近排最關注既新聞，就係遲啲所有page都要賣廣告讀者先會睇到你個post。
即係話絕大部份做興趣，或者非市場定向既小品文，全部都會做唔落去。
食like玩光合作用既時代，已經唔存在。當大家都覺得紙媒無人睇，網文免費先係王道。fb一巴打醒曬所有仲係網上做免費文既作者，人爲刀俎，你爲魚肉，你做得幾好都係貢獻fb。
小心輕看一早認知到文手只依賴社交平台，係為他人作嫁衣。因此我地由創刊就明確要印紙，做訂閱，直接接觸讀者。就係為咗可以掌握文手既主動權，無須跟隨社交平台既規則去玩。社交平台只係一個宣傳平台（咁宣傳梗係要俾錢！），但唔係文手賴以生存既平台。
環境比想像中更嚴峻，意味住小心輕看更迫切需要進步。
多次擴編、改制、建立競稿，都係希望可以趕及係網絡小品文滅絕之前，建立起足以獨立生存既市場。
環境雖然愈黎愈惡劣，手中既時間愈黎愈少，但我地要做既事從來都不變，就只需要做好自己。
只要我地寫好啲文，寫出足以令讀者覺得有價值既文章，就會生存到落去。
而家我地仲會同所有網上文章比較，遲啲淨番賣廣告既文，佢地既文一定更全面倒向市場導向，到時競爭就更激烈。
與其到時先醒覺要面對競爭同挫敗，倒不如先係輕看內部引入競稿制。而我相信每位輕看編輯都有心同有能力係競稿制之下進步。
願意進步既人就會一齊進步，願意努力既人就會一齊努力，就係咁簡單。
訂閱方法:https://goo.gl/forms/EtCaF1t2ZGjgWj812
小心輕看總編輯柳臣字
請按此登錄後留言。未成為會員? 立即註冊