【休息放鬆好去處】5大精選耍廢好去處

呢幾年多咗唔少靚靚嘅cafe、party room，似乎「服務好」「D野好食」宜家滿足唔到年輕一代，大家更加注重嘅係環境嘅裝潢夠唔夠靚、打卡夠唔夠有特色。今日ReUbird就為大家介紹一D有特色嘅休息地，比你同你嘅家人、朋友同另一半可以係週末嘅時候飲下野、hea一hea。


1.老二花廳
呢間位於唐樓入面嘅隱世餐廳，絕對係一個休息放鬆去處。沿著樓梯上到去餐廳，就會好似穿越到六七十年代嘅香港。餐廳入面主打懷舊feel，有好多上世紀舊香港嘅懷舊擺設。兩側仲有油住唔同人物的牆，配上昏暗嘅燈光，絕對可以令人放鬆休息。週末嘅時候，同朋友黎呢間懷舊cafe hea下休息下，就最適合不過啦！
圖片來源：GetReady


圖片來源：香港01


詳情：
OpenRice鏈結：按此
地址：旺角山東街80-82號2樓
前往方式：港鐵旺角站 E2 出口, 步行約5分鐘
電話號碼：56673653


2. 媽媽不在家 Mum’s not home同樣都係開於唐樓入面嘅懷舊cafe，一入到去，就可以去咗充滿夏日風情嘅森林，處處都係綠色植物。cafe入面分成地毯區同埋座椅區，大家可以因應喜好坐係唔同地方hea下休息下。cafe入面每一處都充滿心機，無論係裝飾、餐具，定係食物，都非常有特色。食完tea，仲可以欣賞下店主自己手作嘅飾物，同埋一系列懷舊復古衫，啱心水仲可以買返屋企架！絕對係一個週末放鬆好去處！


圖片來源：Mum's not home


OpenRice鏈結：按此
地址：油麻地上海街302號1樓
前往方式：港鐵油麻地站 C 出口, 步行約4分鐘 電話號碼：97705760


3.小時光
一入到去呢間位於工廠大廈內的咖啡廳，就會見到一排排木凳，如同台灣舊式學校，令人好似返去讀書時期咁。餐檯隔離仲有好多懷舊擺設：舊式電視、電話、玩具，一應俱全。叫完一碗台式滷肉飯，再同朋友吹下水傾計，足夠可以令你度過一個放鬆嘅下午。食完野，仲可以扮文青影下懷舊相～

圖片來源：Style-tips.com


OpenRice鏈結：按此
地址：觀塘興業街18號美興工業大廈A座1樓C室
前往方式：港鐵觀塘站 B3 出口, 步行約7分鐘
電話號碼：31882380

4. 躺室 Chillazy
平時想搵個地方chill下hea下，又唔想去網紅cafe同人迫，小編今日就推介呢間以「躺」為主題既cafe。取完鞋入到去，就可以見到一個場地超過一千五百平方尺嘅「吊床休息間」。成間cafe行簡約風，木地板，柔和的燈光加上soft music，絕對可以令你消除一日嘅疲憊，好好放鬆下，適合週末、收工過去。


圖片來源：ULifestyle


OpenRice鏈結：按此
地址：觀塘觀塘道448-458號官塘工業中心三期10樓P室
前往方式：港鐵觀塘站 D4 出口, 步行約4分鐘 電話號碼：65333984


5.小房舍 Little Room
係銅鑼灣收工，想搵個地方hea下放鬆下，不妨選擇去呢間臨近地鐵站嘅小型party room。唔單有提供梳發，仲可以唱K睇電影，令到疲倦的你可以有個回到「家」的感覺，好好地休息。每間房都有唔同主題，柔和的燈光配上舒適的環境，絕對係一個放鬆好去處。


宜家經過ReUbird預訂，都可以享有優惠架！
預訂方式：按此