2021年,我還在創業

我在創業的日子 於 12/01/2021 發表 收藏文章
疫情話咁快就1年,你同我都未必估到,呢個疫情真係可以持續足足一整年。

我公司係一個香港既平台,我同我 partner 大約 3年前讀緊書既時候創立,個時目標好簡單,就係希望你同我同每一個香港人可以輕鬆咁去搞好每個聚會,慶祝同埋重要時刻。

說實話,呢1年都幾難捱下。我公司主力做各個服務預訂,包括Party Room、場地、到會、蛋糕、禮物、花束等。所以我地好多野都受到限聚令影響。

呢1年,間唔中就有念頭想放棄。每日好似都係無限輪迴,睇唔到呢個疫情既出路。

呢幾晚都唔係太訓到,因為我都唔知其實可以點。唔知呢個地方有幾多人都創緊業,但希望我地可以互相同對方講一句,加油。

留言


請按此登錄後留言。未成為會員? 立即註冊
    快捷鍵:←
    快捷鍵:→