4個在節日期間提升員工士氣的方法

話咁快，仲有一個月就到聖誕節。普天同慶既日子，大家都會特別想放假。究竟公司點樣先可以令到員工唔好咁心散，齊齊衝埋個年尾，迎接新一年呢？
1. 提供餐飲
根據外國公司 Seamless 既一項調查，原來能夠享用公司提供既餐飲能夠令員工感到被重視，而且仲可以幫助減壓。所以，公司不妨考慮以到會或者聖誕party形式提供午餐或者晚餐，令同事們可以輕鬆下，感受歡樂氣氛。

2. 分發獎金
而家好多公司可能會為左方便，而會將獎金花紅等等留到財政年度完結先派。但作為員工，如果年尾有錢派，真係開心好多。

3. 彈性工作
無論係平安夜、聖誕之後、甚至除夕，俾員工有個afternoon leave，放工齊齊去玩，總好過要班心不在焉既友仔坐係度扮做野等收工。
4. 減壓活動
聖誕party以外，不妨策劃收工後或者放假既餘興節目，例如瑜珈、健身等等，或者用另類既方法開會，等大家唔好坐係個conference room咁悶。


資料來源：Mashable