《知唔知自己係咩Pay Grade》

係你岩岩Graduate 返第一份工 又或者岩岩轉工 又或者你想博升職加人工 個刻既你 都會係最有火既你

言下之意 就係你最抵得諗 乜都肯做既時候

當然 心底裡 其實你都係想有人賞識你 加你人工 升你Job grade 升你Job title

人之常情 唔難理解

但有時你個團火控制得唔好 會好心做壞事 不單無爭取到上司+同事既認同 更會被別人質疑你既能力

好多時 我地都會用個團火 希望做多d

咩叫多d? 多數都係超越你Job grade 範疇既工作 (你諗下係咪?)

我試過遇上一個下屬 佢負責幫我處理forecast
佢做完資料 就會group discussion 之後將最後版本交俾CS+Logistic 去follow up

有一次 係某一個季度 巿場明顯出現需求調整 我就叫個位同事update forecast planning 理應佢要同sales team 溝通 再按實際情況分析 最後交俾我地修訂版本

點知 佢應該係諗住快 又諗住自己有能人所不能既預知能力 自己就修正了forecast 直接交俾CS 落單 排生產

當然 結果你都估到 巿場最終情況俾佢預測更壞 佢落左既單令公司增加inventory

係佢心目中 當刻應該希望自己獨自完成工作 若果預測準確 希望一人領功 明顯尋找存在感 想話俾人知 佢既能力可以幫公司做得更多

但因為佢既pay grade 關係 其實佢未真正了解到 佢既工作 一旦出事 不單會影響inventory level 繼而影響cash flow 同埋增加cost of goods sold 最終仲影響埋P&L 既數字 令到分公司報上總公司既target 有所落差

這些骨排效應既影響 都係被佢job grade 所限制而無法諗到既(事後佢知道咁大獲 除左驚 就只有驚)

其實 公司係團隊工作 團隊成功唔需要英雄 只需要默契及責任感 各自打好自己崗位就好了

舉個例子 好似踢波咁 你做好後衛工作 身價都可以高過前鋒 但後衛既身價 從來唔會係佢上前場爭取入球或阻攻既數字 而係佢有多少成功難截 同埋阻止至命入球發生

每個人做好自己崗位既工作 都可以踢出身價波

所以 你唔洗擔心 你每日緊守崗位 做好自己份內事 唔會無人賞識既
如果你係瑩火蟲 再黑既環境 都阻擋唔到你耀眼生輝既光芒

如果喜歡我們的文章,請即分享到︰

標籤: #paygrade  #Jobgrade  

留言


請按此登錄後留言。未成為會員? 立即註冊
    快捷鍵:←
    快捷鍵:→