[ 淳.為食 ] Greyhound Cafe 抵飲之選 ♥ Butterfly Pea & Stevia Tea

淳.記事 於 10/09/2013 發表 收藏文章
唔知你地覺唔覺得,唔係屋企,自己一個要係街度 Hea 時間,真係好難頂。

其實阿淳都喜歡自己一個人行街,想去邊就去邊。

但弊在有時行行下街的結果會變成行街有時,花錢有時

有時真係冇咩抵抗力ga ma....

就好似上星期六咁,阿淳全日係旺角,本來時間安排都唔錯。

上午10時半去朋友生日會 -> Lunch同朋友食飯 -> Hea一陣 -> 去睇慈善音樂會 -> 回家

但好笑就好笑在,原來個生日會係晚上10時半唔係早上... (邊有人上午開生日會ga?)
結果阿淳上午已經出左去旺角,行程變左 Hea一陣 -> Lunch同朋友食飯 -> Hea一陣 -> 去睇慈善音樂會 -> 去朋友生日會 -> 回家。

多咗一段時間Hea一陣 = 多了花錢的機會。

上午阿淳去Hea一陣 (買禮物俾朋友) 的時候,唔覺意買咗個包包俾自己。

為咗唔俾自己再花大量的錢,其實阿淳可以花的錢都係有限度ge....

所以係第二段Hea的時間去咗睇 「激戰」。(其實唔洗錢可以去圖書館lor...)

經過旺角新世紀,原來Greyhound Cafe剛剛係旺角開咗新分店,就入去啦!(終於講到題....)

其實Greyhound Cafe都算係高消費的地方,所以入去前阿淳都幾爭扎ga...

當時5點左右,食晚餐,但其實唔係好肚餓,叫咗個青木瓜沙律、單骨雞翼。

(咁都叫唔肚餓?!淳:嗯...本來想食雞翼,但單叫雞翼冇蔬果又好似唔係咁好,加上成日都冇食過菜,又係晚餐....下刪一萬字廢話...)

基於只食野Hea唔到兩個鐘,所以阿淳決定叫野飲。(又係藉口)

但睇完個Menu,凍飲係貴兼快飲完,唔叫!

之後阿淳見到原來Hot Tea係最平ge,好C9地問完侍應可唔可以Refill熱水之後,就點咗Butterfly Pea & Stevia Tea ($28)。


中文名字叫藍蘭豆甜菊花茶,是藍色的呢,聽說藍蘭豆具有豐富的維他命A,C和E, 而且可以提高免疫力, 幫助和促進皮膚的彈力和骨膠原, 同時還具有補腦,促進腦的活力,防止胃痛,抗憂郁、抗壓力、鎮靜、止驚厥、緩和情緒等天然保健功效。

幫助和促進皮膚的彈力和骨膠原,沖住依個功效,下次去Greyhound食野都要點依個花茶!

其實佢本身冇咩特別的味道,但加蜜糖之後,佢有種好淡的回甘,好順口。而且阿淳加咗4、5次水,佢依然冇淡色,感覺好抵!最後走之前,阿淳又好C9咁倒埋落自己個水樽拎走。

除咗Butterfly Pea & Stevia Tea,其實仲有Lemongrass tea 同 Ginger tea可以選擇ge,都係$28。可以到朋友share都得呀!

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→