[ 淳．為食 ] 蜜汁叉燒 (附光波爐食譜) 精選

放假在家又難得有興致，終於去清下自己的To Cook List啦！

之前係 +鬼嫁 度睇度個燒豬頸肉的食譜 (原食譜)。睇落簡單易整！就加入To Cook List啦！

今個假期就一次過整咗燒豬頸肉同咖哩燒雞翼。

今次寫左燒豬頸肉先~ 因為我好滿意出黎的效果，雖然被淳媽他們說似叉燒多過燒豬頸肉，但連被淳媽養到嘴挑挑的淳爸都讚好，就已經好滿足。
♥ 蜜汁叉燒 ♥ 個樣幾靚仔呢 ♥
原食譜係用焗爐，不過阿淳今次用光波爐，發現原來用光波爐控制的火力真係容易些而且時間會比焗爐縮減一半呢！另外因為有些材料家中沒有又唔想去買就改用其他代替。
材料（四人份）：
豬頸肉 3片

調味料：
海鮮醬 2湯匙
蜜糖 2湯匙 *代替了麥芽糖
板長醬油 1.5茶匙 *代替了老抽
韓國醃肉醬油 4茶匙 *代替了生抽
花雕酒 1 湯匙

製法：
1）豬頸肉洗淨抹乾，混和所有調味料醃60分鐘，預熱光波爐250度
2）光波爐放上鐵架，放好豬頸肉和半份剩下的醃汁，入焗爐200度焗8-10分鐘，250度焗3分鐘至表面香脆
3）反轉， 掃上剩下醃汁， 250度焗3分鐘
4）斜斜的切片放碟上
小提示：
1. 如果家中冇光波爐得焗爐可參考返鬼嫁個食譜。(按這裡)
2. 阿淳用的韓國醃肉醬油是帶甜味的，所以阿淳很放心的下很多，但如果是平時用的生抽就建議先試味再調較份量同醃的時間。