兄弟姐妹嘅排序會影響性格–排中間嘅最識處理人際關係？ 精選

「我無呀哥/家姐咁穩重都係因為我細過佢咋！」

**召喚所有喺屋企排名最細嘅細佬/細妹！**

如果你係屋企最細嘅細佬/細妹，可能你都會比家姐/呀哥話過：「你小心d得唔得呀？成日都咁，唔識驚！」

又或者比老媽子話過：「你學下你呀哥/家姐咁成熟穩重得唔得呀？」

但⋯⋯
你而家可以理直氣壯咁反駁：「無辦法啦，鬼叫我係最細嗰個咩？」

著名心理學家阿爾弗雷德·阿德勒(Alfred Adler)曾經提出一個理論––出生排序理論。你喺兄弟姐妹之中嘅排名會影響你嘅性格！因為唔同嘅家長對唔同出生排序（例如：你係最大嗰個定中間嗰個，定係最細嗰個？）嘅小朋友會有唔同態度，而唔同嘅態度會影響佢哋嘅性格！

大哥/大家姐––努力爭取成就
最大嘅子女原本係家長嘅焦點，但喺細路妹出世之後，大哥/大家姐會感覺的受威脅，無論家長嘅注意力同關心都分薄咗。佢哋會好想爭取番原本屬於自己嘅關注，更有動力去爭取更多，通常大過之後都會有所成就。佢哋亦因為比較缺乏安全感，而變得比較保守，唔敢冒險。家長好多時候更會期望佢哋照顧細佬妹，同對佢哋有好大期望，所以佢哋大個咗會更謹慎同變成完美主義者！
排中間嘅子女––人際關係高手
當中間嘅子女出世嗰陣，由於一開始已經要同家姐呀哥分享爸爸媽媽嘅注意力，佢哋會更願意同其他人合作，而唔係一意孤行。由於有哥哥/姐姐作榜樣，佢哋會努力趕上哥哥/姐姐嘅標準，容易發展成鍾意討好人哋嘅性格，但亦因為咁會更容易同人建立關係。亦有另一種例子，因為缺乏關注，佢哋會好努力咁取得成就，以獲得其他人嘅關注。

最細嘅細佬妹––自由嘅冒險者
最細嘅子女係屋企嘅「焦點」，佢哋慣咗被人關注，亦習慣被大過自己嘅哥哥/姐姐照顧，無咩壓力。於是，佢哋養成比較「自由」的性格，更加獨立，傾向冒險，而唔係小心謹慎。而且佢哋喺眾人嘅關注下長大，佢哋會更有自信，長大後容易哋唔同嘅群體入面成為「風頭躉」，以保持被人關注嘅感覺。
冥想App