Client 問我點解自己係「仆街磁石」（下）
上次講到，一直好怕自己一個嘅Louisa，急住搵安全感，搵依靠，於是拍完一次又一次，係咁拍拖，係咁想透過拍拖尋求安全感，但係咁遇上衰人⋯⋯
雖然話每次遇上唔好嘅男仔都加深咗佢嘅不安全感，但撇除佢對男女關係嘅不安，佢本身都好缺安全感。佢咁缺乏安全感，一定有個原因，可能可以喺佢嘅童年，佢嘅過去度搵到原因。
「依家，你重新行一次，你由出世到依家呢廿五年嘅經歷。好似一段Video咁，由過去，由開始播放，播放到依家呢一刻⋯⋯你可以由得唔同嘅片段喺你個腦入面播放，唔需要去控制佢，一路播一路同我講你見到咩。」我講。
「依家由你出世開始，最早嘅記憶，一路播一路播⋯⋯」我講。
「你試吓話比我聽你見到咩？」我問。
佢突然靜咗，過咗一陣之後，佢突然講：
「我見到我爺爺⋯⋯我係病房出面，護士陪住我，但爸爸媽媽唔比我入去⋯⋯」佢故作冷靜咁講，但一路講一路流眼淚。
「然後⋯⋯我就⋯無見過佢了⋯⋯」佢講。
「你仲記唔記得當時有咩感覺？」我問。
「我⋯⋯唔知點解爺爺突然就唔見咗，佢一直都係主要照顧我嘅人⋯⋯」Louisa邊講邊喊，「細個佢會講故事比我聽，會陪我玩⋯⋯我嗰吓先知道，原來一個人可以突然間就咁唔見咗⋯⋯」
我突然明白點解Louisa咁缺乏安全感，點解佢咁急住搵一個依靠。
「你依家見到你爺爺出現喺你眼前，你有咩想同佢講？」我問佢。
「我想同佢講，對唔住⋯⋯」Louisa講，呢一刻嘅佢已經哭成淚人。
明明佢無做錯過任何嘢，但同爺爺突然嘅離別令佢心入面留低咗條刺，我哋嘅潛意識嘅情緒完全無理性可言，唔知點解，Louisa竟然覺得自己喺呢件事上面有責任⋯⋯
「我好似無生活得好好，無生活得好開心，無生活得好順利⋯⋯我想同爺爺講對唔住，我⋯⋯我唔知自己做緊咩⋯⋯」Louisa喊住講。
「你爺爺⋯⋯佢收到你嘅說話喇，佢笑住咁同你道別。」Louisa講咗好多佢希望同爺爺講嘅嘢之後，我同佢講。
有時候，離別之所以對我哋傷害咁大、影響咁深，除咗因為離別本來就係一樣悲傷嘅事，更多係因為好多嘅離別都係突如其來––突如其來到我哋不禁懷疑，呢個世界嘅其他嘢，係未都會·有一日無啦啦離開我哋呢？又或者，係未我哋做錯咩，先會令我哋無啦啦失去咗呢啲對我哋咗重要嘅嘢？於是我哋就好想透過搵其他人做個依靠，去補番我哋缺乏嘅安全感，同對關係嘅信心。但有時候，欲速則不達，愈想搵到依靠，反而受更多傷害。
我只係希望透過催眠，等佢嘅潛意識同佢爺爺，有一個正式嘅道別機會。
完成今次嘅治療後，Louisa話想學習吓點樣自處，點樣可以一個人都過得開開心心。趁住單身嘅時間，好好學習一吓點樣成為自己嘅自信來源同依靠⋯⋯加油呀Louisa！
*根據臨床催眠治療師之保密原則，文章中沒有披露任何個案的個人資料，個案亦經一定程度修改。
*插圖與人物完全無關
上次講到，一直好怕自己一個嘅Louisa，急住搵安全感，搵依靠，於是拍完一次又一次，係咁拍拖，係咁想透過拍拖尋求安全感，但係咁遇上衰人⋯⋯
雖然話每次遇上唔好嘅男仔都加深咗佢嘅不安全感，但撇除佢對男女關係嘅不安，佢本身都好缺安全感。佢咁缺乏安全感，一定有個原因，可能可以喺佢嘅童年，佢嘅過去度搵到原因。
「依家，你重新行一次，你由出世到依家呢廿五年嘅經歷。好似一段Video咁，由過去，由開始播放，播放到依家呢一刻⋯⋯你可以由得唔同嘅片段喺你個腦入面播放，唔需要去控制佢，一路播一路同我講你見到咩。」我講。
「依家由你出世開始，最早嘅記憶，一路播一路播⋯⋯」我講。
「你試吓話比我聽你見到咩？」我問。
佢突然靜咗，過咗一陣之後，佢突然講：
「我見到我爺爺⋯⋯我係病房出面，護士陪住我，但爸爸媽媽唔比我入去⋯⋯」佢故作冷靜咁講，但一路講一路流眼淚。
「然後⋯⋯我就⋯無見過佢了⋯⋯」佢講。
「你仲記唔記得當時有咩感覺？」我問。
「我⋯⋯唔知點解爺爺突然就唔見咗，佢一直都係主要照顧我嘅人⋯⋯」Louisa邊講邊喊，「細個佢會講故事比我聽，會陪我玩⋯⋯我嗰吓先知道，原來一個人可以突然間就咁唔見咗⋯⋯」
我突然明白點解Louisa咁缺乏安全感，點解佢咁急住搵一個依靠。
「你依家見到你爺爺出現喺你眼前，你有咩想同佢講？」我問佢。
「我想同佢講，對唔住⋯⋯」Louisa講，呢一刻嘅佢已經哭成淚人。
明明佢無做錯過任何嘢，但同爺爺突然嘅離別令佢心入面留低咗條刺，我哋嘅潛意識嘅情緒完全無理性可言，唔知點解，Louisa竟然覺得自己喺呢件事上面有責任⋯⋯
「我好似無生活得好好，無生活得好開心，無生活得好順利⋯⋯我想同爺爺講對唔住，我⋯⋯我唔知自己做緊咩⋯⋯」Louisa喊住講。
「你爺爺⋯⋯佢收到你嘅說話喇，佢笑住咁同你道別。」Louisa講咗好多佢希望同爺爺講嘅嘢之後，我同佢講。
有時候，離別之所以對我哋傷害咁大、影響咁深，除咗因為離別本來就係一樣悲傷嘅事，更多係因為好多嘅離別都係突如其來––突如其來到我哋不禁懷疑，呢個世界嘅其他嘢，係未都會·有一日無啦啦離開我哋呢？又或者，係未我哋做錯咩，先會令我哋無啦啦失去咗呢啲對我哋咗重要嘅嘢？於是我哋就好想透過搵其他人做個依靠，去補番我哋缺乏嘅安全感，同對關係嘅信心。但有時候，欲速則不達，愈想搵到依靠，反而受更多傷害。
我只係希望透過催眠，等佢嘅潛意識同佢爺爺，有一個正式嘅道別機會。
完成今次嘅治療後，Louisa話想學習吓點樣自處，點樣可以一個人都過得開開心心。趁住單身嘅時間，好好學習一吓點樣成為自己嘅自信來源同依靠⋯⋯加油呀Louisa！
*根據臨床催眠治療師之保密原則，文章中沒有披露任何個案的個人資料，個案亦經一定程度修改。
*插圖與人物完全無關
請按此登錄後留言。未成為會員? 立即註冊