【葡萄講故事】- Riesling ( 雷司令 / 麗絲玲 ) - Part 1

被相信源自於德國萊因河區域(Rhine),Riesling 係一種憑藉其出色香氣及酸度而聞名,且與 Chardonnay 跟 Sauvignon Blanc 並列於世界三大主流白葡萄品種之一。
與此同時,它亦是一種非常能夠反映出種植當地風土味道的品種:比如於寒帶地區如大部分的德國,香氣上會傾向如青蘋果、梨子(Pear);於較溫暖如法國的阿爾薩斯(Alsace)及部分奧地利地區,香氣會轉為偏向杏(Apriot)、桃(Peach);在澳洲南部較涼的地區如 Clare Valley 和 Eden Valley 亦被認為有著青檸(Lime)的果香;白色的花香及礦物嘅氣息亦時常會出現於其釀造嘅葡萄酒當中 ; 至於比較多品酒人仕所認知、經過多年喺酒瓶內陳年熟成産生如Petrol (汽油) 、Gas (煤)此等化石資源氣味,則只優質 Riesling 所獨有而不能於其他葡萄品種搵到,尤以德國出產的最為常見。
Picture source : http://winefolly.com/

喺現有嘅古代文獻中,被相信最為真確、記載著首個關於 Riesling 種植用於釀酒嘅歷史出現喺1435年,位於一個名為Rüsselsheim的德國小鎮,當時的寫法為“Rießlingen”;而至於現行寫法“Riesling” 則首次出現喺一名德國植物學家 - Hieronymus Bock的著作當中,時為1552年;去到1998年,於奧地利的植物學家同 Riesling 做左個 DNA 檢驗,證明左佢係由名為「Gouais Blanc」跟「Traminer」的古老品種內雜交而成。
Picture source : https://en.wikipedia.org/

喺種植方面,Riesling 嘅葡萄樹木質堅硬,抗寒力強,所以深受寒帶國家所歡迎;其果實顆粒較細、皮不厚且於結果後生長豐盛,所以如果希望釀造出優質葡萄酒的話,則必須要産量上作嚴格控制,如果唔係就只會得到平庸單調加上高酸的成品;其次喺土壤要求方面,理想的為疏水性較高嘅組合如 Limestone (石灰質) ; 又或者喺德國萊茵河北面嘅 Mosel 區域,有著獨特嘅 Steep Slopes (斜角最高紀錄為65度)加上好似瓦片形狀嘅Slate Deposit(板岩)表土,結成一個疏水力高、日間吸熱而夜間可以保溫嘅組合,所以該區種植出産嘅 Riesling 葡萄酒好多時都係具複雜性、高質素嘅代表。
Picture source : https://previews.123rf.com/

To be continue ....

Derekc:一個土生土長嘅80s香港人,過去的十年庸庸碌碌的工作、學習品酒到宜家於德國葡萄酒莊工作、鐘情於葡萄酒生活態度並希望將其推而廣之;有過一段外地生活體驗、一場意想不到的人生。如果大家喜歡小弟嘅文章請點按讚及分享到你的社交平台;另外如果大家有希望想睇到葡萄酒題目亦歡迎隨時聯絡我,又或者可以傾下酒經 〜

Instagram :
https://www.instagram.com/derekc_c/

Facebook :
https://www.facebook.com/Derekc0115?ref=bookmarks

如果喜歡我們的文章,請即分享到︰

留言


請按此登錄後留言。未成為會員? 立即註冊
    快捷鍵:←
    快捷鍵:→