【#酒後感】甜品配紅酒 - 科隆下午茶時間

努力工作左幾星期,今個週末決定去個一日遊放鬆下。由居住嘅小鎮Winningen 出發搭兩個鐘頭火車北上,目的地德國第四大城市 - 科隆。由於我唔係一個 Shopping 人,所以選擇參觀左兩個博物館,而主力嘅科隆主教堂則留番接近日落登塔頂睇城市全景。

話說喺 Chocolate Museum 訂製朱古力要等45分鐘,所以落左去樓下食個 Tea 打發時間。揭開酒單,德國餐廳係以白酒為主,一場黎到又冇可能唔試朱古力甜品,咁點算好?最後揀左一款西班牙紅酒配以Berries flavored, Black Forest Styled Chocolate Cake。紅葡萄品種 Tempranillo 富含紅苺及黑莓味道,常經美國橡木桶陳年而帶有朱古力氣息,加上濃郁嘅酒體及其酸度令厚身甜品得到平衡 🍇🍫🍰🍷

就係咁樣,喺萊茵河畔度過左一個愉快嘅Tea Time,返去拎完朱古力,向主教堂及鎖橋進發然後結束呢一日嘅行程。我成日都話飲Wine應該係Lifestyle 而唔係Luxury ; 而經過今次,又再證明葡萄酒配搭食物有無限嘅可能性 ; 只要選擇得宜,邊個又敢話甜品只可以配 Dessert Wine 呢?唔信嘅大家可以搵日試下再話我知吖 ~ 😆😆
-----------------------------------------------------------------------------------------------------------------------------------
Derekc:一個土生土長嘅80s香港人,過去的十年庸庸碌碌的工作、學習品酒到宜家於德國葡萄酒莊工作、鐘情於葡萄酒生活態度並希望將其推而廣之;有過一段外地生活體驗、一場意想不到的人生。如果大家喜歡小弟嘅文章請點按讚及分享到你的社交平台;另外如果大家有希望想睇到葡萄酒題目亦歡迎聯絡我,又或者可以傾下酒經 〜

Instagram : https://www.instagram.com/derekc_c/

Facebook Page : www.facebook.com/Wine.Life.Style.HK
標籤: wine  wine tasting  life style  

留言


請按此登錄後留言。未成為會員? 立即註冊
    快捷鍵:←
    快捷鍵:→