見到大家對上次講葡萄酒單寧呢個 Topic 好似都幾有興趣咁，亦都有朋友 Inbox 問：「無論喺正式或非正式品酒場合，淨係聽見人講紅酒嘅單寧點順滑、點粗䊯，咁白酒呢？點解冇人講嘅？！」咁今次 Derek 再同大家簡單咁喺呢方面講多少少啦 〜 😁
冇睇過上一篇、唔係太清楚「Tannins (單寧)」係 D 咩黎？唔緊要！當酒液喺口腔內短暫停留呑下嘅時候，你會發現舌頭會突然變得粗糙、口內乾涸且有點澀就係 Tannin 産生嘅效果（不過都建議你得閒睇返啦😆）；要結實、顯著嘅，各位酒友可能就會好容易諗起各式諸如 Cabernets、Rhone（隆河區） Syrah、同埋喺意大利北部嘅 Barolo / Barbaresco；想要多 D “柔軟”同“順滑”？又有 Merlot 可以選擇；甚或你鐘意單寧偏向輕身、整合度高嘅亦有 Pinot Noir；但係唔知各位有冇發現，講黎講去呢D全部紅酒；咁 White Wine 呢？！點解冇乜聽過人地話白酒有單寧嘅？🤔
可以話俾大家知，其實 White Wine 裡頭亦都有單寧的；應該咁講：喺正常嘅情況下，基本上所有葡萄酒都會有，問題只不過多與少而已；至於會有幾多？大部分係取決於當提子破皮後釋出嘅Juice同佢嘅「核」、「莖」及「表皮」浸喺一齊幾耐；而呢個步驟就正正就會做成分野：要知道當釀造 White Wine 嘅時候當提子被 Press 榨汁後，Grape Juice 同 Skin 只會有短暫接觸（一般只有幾小時至最多一日），之後就留汁不留皮；而 Red Wine 則正好相反：為左注入及加深顔色，「表皮」仲會同 Grape Juice 有一段長時間嘅接觸（可以由七日至一個月）；就係咁樣解釋左，點解 Red Wine 比 White Wine 帶有更多 Tannins 🍇🍇
除此以外，各位唔可以忽略仲有一樣嘢叫做「Barrel Tannins」：意思係指當葡萄酒喺橡木桶裡面發酵、儲存或者陳年，其實橡木都會釋出一定份量嘅單寧；但相對比提子「核」、「莖」及「表皮」釋出的，「Barrel Tannins」只不過係一個極少份量；所以，即使曾經過橡木桶發酵、儲存或者陳年都好，大家喺飲 White Wine 嘅時候都唔容易察覺到，酒裡頭其實係有單寧嘅〜
不過，最後都仲有一個例外，就係「Orange Wine」；睇到個名我都知道大家會諗多左喇，「Orange Wine」並唔係用「Orange」黎造，而係用黎形容顔色嘅，甚至會有部分釀酒師更願意稱之為「Amber（琥珀色)」；「Orange Wine」其實就即係用釀造紅酒嘅方法套用落白酒度，Which is 將白葡萄嘅提子皮同汁長時間 Stay contacted，令到顔色轉變為 “Copper - Orange“，所以就會比其他同樣用白葡萄黎釀造嘅酒有著更多、更明顯嘅單寧 🍊🍊
後記：關於「Tannins (單寧)」呢部分，今次就同大家分享到呢度，希望大家會喜歡；如果想了解多少少關於「到底單寧好唔會引起頭痛」、又或者「單寧」其實係D咩黎的話，可以睇返之前嘅 FB 專頁或發文 - 「【#酒知識】Tannins - 單寧，到底係 D 乜嘢黎呀？」及「【#酒知識】飲Wine係咪特別容易頭痛？?」；但願 Derek 提供嘅資訊，可以令葡萄酒文化更容易走入大家嘅日常生活入面。🚶🏻♀️🚶🏻
---------------------------------------------------------------------------------------------------------------
Derekc：一個土生土長嘅80s香港人，過去的十年庸庸碌碌的工作、學習品酒到宜家於德國葡萄酒莊工作、鐘情於葡萄酒生活態度並希望將其推而廣之；有過一段外地生活體驗、一場意想不到的人生。如果大家喜歡小弟嘅文章請點按讚及分享到你的社交平台；另外如果大家有希望想睇到葡萄酒題目亦歡迎聯絡我，又或者可以傾下酒經 〜
Instagram : https://www.instagram.com/derekc_c/
Facebook Page : www.facebook.com/Wine.Life.Style.HK
冇睇過上一篇、唔係太清楚「Tannins (單寧)」係 D 咩黎？唔緊要！當酒液喺口腔內短暫停留呑下嘅時候，你會發現舌頭會突然變得粗糙、口內乾涸且有點澀就係 Tannin 産生嘅效果（不過都建議你得閒睇返啦😆）；要結實、顯著嘅，各位酒友可能就會好容易諗起各式諸如 Cabernets、Rhone（隆河區） Syrah、同埋喺意大利北部嘅 Barolo / Barbaresco；想要多 D “柔軟”同“順滑”？又有 Merlot 可以選擇；甚或你鐘意單寧偏向輕身、整合度高嘅亦有 Pinot Noir；但係唔知各位有冇發現，講黎講去呢D全部紅酒；咁 White Wine 呢？！點解冇乜聽過人地話白酒有單寧嘅？🤔
可以話俾大家知，其實 White Wine 裡頭亦都有單寧的；應該咁講：喺正常嘅情況下，基本上所有葡萄酒都會有，問題只不過多與少而已；至於會有幾多？大部分係取決於當提子破皮後釋出嘅Juice同佢嘅「核」、「莖」及「表皮」浸喺一齊幾耐；而呢個步驟就正正就會做成分野：要知道當釀造 White Wine 嘅時候當提子被 Press 榨汁後，Grape Juice 同 Skin 只會有短暫接觸（一般只有幾小時至最多一日），之後就留汁不留皮；而 Red Wine 則正好相反：為左注入及加深顔色，「表皮」仲會同 Grape Juice 有一段長時間嘅接觸（可以由七日至一個月）；就係咁樣解釋左，點解 Red Wine 比 White Wine 帶有更多 Tannins 🍇🍇
除此以外，各位唔可以忽略仲有一樣嘢叫做「Barrel Tannins」：意思係指當葡萄酒喺橡木桶裡面發酵、儲存或者陳年，其實橡木都會釋出一定份量嘅單寧；但相對比提子「核」、「莖」及「表皮」釋出的，「Barrel Tannins」只不過係一個極少份量；所以，即使曾經過橡木桶發酵、儲存或者陳年都好，大家喺飲 White Wine 嘅時候都唔容易察覺到，酒裡頭其實係有單寧嘅〜
不過，最後都仲有一個例外，就係「Orange Wine」；睇到個名我都知道大家會諗多左喇，「Orange Wine」並唔係用「Orange」黎造，而係用黎形容顔色嘅，甚至會有部分釀酒師更願意稱之為「Amber（琥珀色)」；「Orange Wine」其實就即係用釀造紅酒嘅方法套用落白酒度，Which is 將白葡萄嘅提子皮同汁長時間 Stay contacted，令到顔色轉變為 “Copper - Orange“，所以就會比其他同樣用白葡萄黎釀造嘅酒有著更多、更明顯嘅單寧 🍊🍊
後記：關於「Tannins (單寧)」呢部分，今次就同大家分享到呢度，希望大家會喜歡；如果想了解多少少關於「到底單寧好唔會引起頭痛」、又或者「單寧」其實係D咩黎的話，可以睇返之前嘅 FB 專頁或發文 - 「【#酒知識】Tannins - 單寧，到底係 D 乜嘢黎呀？」及「【#酒知識】飲Wine係咪特別容易頭痛？?」；但願 Derek 提供嘅資訊，可以令葡萄酒文化更容易走入大家嘅日常生活入面。🚶🏻♀️🚶🏻
---------------------------------------------------------------------------------------------------------------
Derekc：一個土生土長嘅80s香港人，過去的十年庸庸碌碌的工作、學習品酒到宜家於德國葡萄酒莊工作、鐘情於葡萄酒生活態度並希望將其推而廣之；有過一段外地生活體驗、一場意想不到的人生。如果大家喜歡小弟嘅文章請點按讚及分享到你的社交平台；另外如果大家有希望想睇到葡萄酒題目亦歡迎聯絡我，又或者可以傾下酒經 〜
Instagram : https://www.instagram.com/derekc_c/
Facebook Page : www.facebook.com/Wine.Life.Style.HK
請按此登錄後留言。未成為會員? 立即註冊