《「神隊友」》

葦文 Write Man 於 14/12/2018 發表 收藏文章

一次在餐廳食飯,無意中聽到鄰座一對母子的對話,短短幾分鐘, 可以明白到婆媳關係中男人的苦處,也同時明白到丈夫必須成為「神隊友」的重要性。

內容大約如下:

媽: 你真係蠢呀! 自己都無樓住, 有乜理由幫人地供樓?!

仔: 間樓係我老婆送比佢自己爸爸 (外父), 我老婆自己供, 我無比錢佢, 你嘈乜鬧乜?

媽: 你自己都無樓, 我都無樓呀, 你幫人供樓? (不斷重複)

仔: 我有比足家用你,無因為老婆要供樓而扣你D錢,事實老婆都無問我拎錢去供樓,錢全部佢自己比,佢有能力唔得咩?嫁左比我就唔可以孝順自己父母?

媽: 咁你地無樓呀嘛, 但要幫人地供, 幾on居!

仔: 唔係「人地」,佢係我老婆,佢父母都係我屋企人! 唔通嫁左就係「你新抱」,唔係「外父外母個女」?

媽: 係呀! 個個都係咁架啦!

仔: 下? 你咪鬼咁大聲tim呀, 你呢d歪理唔好比人聽到,你話個個都係咁,你自己呢?嫁左之後你阿爸阿媽消失左?

媽: 甘.... 你係蠢嘛! 自己無樓 (重複上面對白,因為佢都講唔過阿仔)
仔: 總之就係我老婆自己供樓,就算我有份供又點? 輪唔到你理,我有照比錢你洗,你享清福就夠啦!無謂既說話唔想再聽到,亦唔需要再四圍唱!

聽到呢度,作為外人既我真係「心心眼」,好佩服呢位男士願意講出道理,挺身而出保護自己老婆,相信呢位男士必定都承受左唔少壓力。

另外,作為一個媽媽,疼愛自己個仔係正常,但呢個絕對唔係欺壓/痛恨新抱的理由,試想想,你的新抱又何嘗不是別人的掌上明珠?

其實有好多野,年紀大都需要明白,唔可以話「就下老人家啦」就算。 生活已經迫人,有時老人家少講一句,已經可以減少子女的壓力。 或者就如呢位先生所講,享下清福就夠啦!

唔知道對話中的「女主角」會否睇到呢篇文章,但仍想講一句「很幸運,你選對了人。」

其他已為人妻的讀者,如果可以,不妨都多d讚賞自己的丈夫,你係奶奶面前受一刀,好可能丈夫係背後已經為你擋左好多刀。


============================

Facebook 葦文 Write Man
https://m.facebook.com/writing.with.a.pen/


Fanpiece 葦文 Write Man
http://lifestyle.fanpiece.com/writingman/

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→