照Oscar..* 精選

17 Sep 2013

今日要去瑪嘉烈醫院做Oscar

但我居然可以記錯了時間(懷孕的時候會...老公又會話你又懶係佢度XDD!!)

所以冇得慢慢享用早餐

即刻搭巴士到葵芳買包再搭小巴直上醫院

好彩都趕得切!!

之後去會計部交錢...但姑娘話我唔洗俾(Maybe係港人福利掛..唔清楚)

然後就上B2登記

約了時間9點半

但等去照的時間已經11點幾

第一次入去照的時候，除鞋上床

然後女醫生放了gel在我的肚上

開始找小b

搵到喇!!

小b今次大了好多...而且已經有個形了!!
醫生照的時候，說小b依傢倒樹沖緊

我同老公都覺得好得意

倒樹沖..哈哈!!

就係因為呢樣..醫生話咁樣照唔到頸皮

要我過多陣再番黎照過

所以就離開了間房

我要做就係係條走廊度行黎行去

中途，見到其中一個媽媽好似好辛苦

拎住個紙袋，挨係老公身邊
一路話好辛苦!!

見到佢咁樣..好慘!!因為每個人懷孕的情況都不同

幸好小b對媽媽都不錯..暫時都未有呢d情況發生

隔了幾個字後(已經11點9..)

再入房照

同樣..醫生話小b又一樣倒樹沖

所以..我今次又要再去行過

出到去，老公話不如你都倒樹沖呀。可能小b會訓番好ga

佢都傻傻地ge...

我唯有出動做傻婆一招
同小b係度講數

我話，「你乖喇，最多俾醫生照完後，你再倒過喇!」

第3次入去照，已經12點幾

今次，真係乖乖咁訓番好

(其實可能小b倒樹沖係訓緊覺...ZzzZzzz)

訓番落黎後，佢係度郁黎郁去。

醫生叫我咳一聲，想小b動作大d

點知我未咳，小b突然成個人伸直左

我同老公係度笑
係度呢個時候，老公問醫生。依傢睇唔睇到係男定女?

醫生話，依傢過數太細la

仲未照到..(其實我都預左喇..邊有咁快照到wo..!!傻瓜)

之後小b乖乖咁俾醫生照到頸皮，應該都pass了!!

因為醫生冇再講任何關於呢樣事情

暫時都可以鬆一口氣了!!

但照完後，因為仲未抽血。所以仲未走得

好多媽媽都係等抽血...

抽得血黎都已經差不多1點，所以向公司請了半日大假
回家休息

今次抽血..手勢唔多好!!

抽完後，居然仲痛。而且個血積都較上廣健康院大

都唔知係咪發脾4 ge...

番到家，終於都可以休息下。

每次產檢(有得睇bb)真係好興奮!!

因為每次都見到小b又大了，真的好感動!!

只希望小b能夠健健康康出世，媽咪就滿足了

小b，你聽到嗎？