＜明日戰記＞有齊香港人鍾意嘅元素喎（好似係） 精選

見到呢幾日媒體憑住一條抖音片話古天樂好慘，另一邊廂有一班網民話唔應該賣慘、電影好唔好睇唔係睇個老闆好唔好人乜乜乜......我心唸，做咩啫......到底發生咩事？唔講以為套戲已經上咗。
（而且其實只係一條抖音片用key字話古天樂慘，古天樂本人好似無講過？＜＜這是黑人問號）

先旨聲明，我對科幻片、戰爭片、特技片、大製作係無感嘅，Transformer、Harry Porter、 Lord of the Rings、阿凡達......我全部都無睇；對香港喺＜無間道＞之後每年都會有一堆警匪片，而且男主角都係古天樂、劉青雲、張家輝、劉德華 etc 都感到厭煩。


上星期入戲院睇＜緣路山旮旯＞，見到＜明日戰記＞條 trailer，頭幾個shot係古天樂同劉青雲，有幾秒納悶。不過鏡頭一轉，就見到喺香港景色下有類似 transformer嘅物體，心唸：哇，荷李活大片喺香港取景咁大件事都無人講？

兩日之後就見到有人講喇。
到底係真係咁啱，定係META又跟蹤我？

Anyway，原來唔只係香港取景，仲係香港班底做ＣＧ。你哋唔係好鍾意睇啲機械人郁下郁下架咩？4.5億，喺香港電影業界最難捱嘅呢幾年，養緊+train緊一班香港人才整到啲機械人郁下郁下，而且cast係影帝級古天樂、劉青雲、張家輝、姜皓文。（嗱，我personally真係對佢哋無感）


講返香港景，記得當年Sleeping Dog用香港地圖、唔知咩咩咩荷李活大片喺香港取其中一兩幕景，都可以引到觀眾玩／入場睇，咁呢家機械人喺西九公路（定係觀塘繞道？sor 我係路痴......）打交唔係更有趣咩？而且啊，主題曲係Winka@Collar x Ansonbean，大膽搵兩個新人crossover，我覺得夠哂誠意。

喂，一舊水啫，又唔係叫你睇10次......少忽肉咩？咪入場睇完先插囉......