5個被上司睇好的徵兆


有志向嘅打工仔總希望有出頭天,喺事業上有一番成就。七分靠努力,剩返嗰三分就要靠伯樂。辦公室內嘅伯樂就係上司。點樣先知道上司睇好自己?睇下有冇中到以下5樣嘢啦。

1. 被交付重任
如果每次有project都交畀你,又或者上司經常要你出席重要嘅會議,唔止係想俾你參與下,仲代表佢信得過你。所謂「人在做,天在看」,由一個小型project開始就用心做好,上司係會知道。之後你就會接二連三咁接到唔同project,而且挑戰仲會越來越多。咁係因為上司睇好你,見你之前處理得好,見你有能力,自然會俾多啲機會你發揮自己。因為着緊,所以有少少壓力都係正常。不過只要俾心機,呢個壓力就會化為成就。所以真係要加油呀!

2. 第一時間揾你
Project、會議……第一時間俾晒你負責同參與當然係睇得起你。挑戰、難題,甚至係出咗事有大鑊嘢都即刻搵你,唔係想俾鑊杰嘅你嘆整蠱你,而佢完全信你有能力,知道你可以助佢一臂之力,解決問題。所有電影、演唱會優先場門票......現金券、禮券、免費戲飛、演唱會優先場門票……唔好理佢係咪太多或者就過期唔想用都好,佢即刻諗起你又送比你証明你喺佢心裡面唔止係下屬咁簡單,仲係錫你先咁做。

3. 對你有要求
「愛之深,責之切」-「呢到可以再做好啲喎」、「呢個方法咁樣唔係太好,你再諗個。」、「再比啲力得唔得?」……上司喺俾重任你嘅同時咄咄迫人,對你特別嚴?唔係想迫走你,而係想你力求進步。如果遲啲俾更重要嘅工作或者俾你升上更高嘅職位,到時所遇到嘅挑戰會更加大。呢段期間對你要求高啲,就等你好好準備自己。第時就乜都唔使怕!仲唔快啲努力做得更好?

4. 同你談天說地
平時啲人成日話同上司無計傾,不過如果你遇著個肯同你談天說地嘅上司,你就真係好好彩喇!公事上,佢同你分享睇法,仲俾你自由講,話中佢弱點都唔會點黑面;有時仲會同你講公事以外嘅事……唔單止代表佢重視你意見同睇法,仲代表佢好信任你,可以同你交心。

5. 私chat私約
無論開心、唔開心、八卦嘢定秘密,當上司喺返工以外嘅時間都會搵你傾計,甚至會約你食飯。恭喜你!你已經成為佢嘅戰友-喺公事上嘅好拍檔,喺人生上嘅好友。當然呢啲嘢唔好周圍講,因為總有同事眼紅你,到時因為咁而俾人誤會就唔好啦。

有上司睇好自己當然開心。如果依家冇,唔代表將來冇。唔需要刻意表現自己,努力做好總會有伯樂出現。咁多位,加油!

文:小C

更多打工仔分享,追蹤 ECjobsonline 專頁 或 瀏覽 www.ECjobsonline.com

如果喜歡我們的文章,請即分享到︰

標籤: 伯樂  事業  上司睇好徵兆  

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→