星期一至五淨係掛住番工番學，週末當然想出街啦，行街周圍又逼又多人同逼地鐵差不多，想試新餐廳又要排成幾個鐘！有時寧願留在家裡睇下電視訓下覺好過，不過難得週末，你真是捨得留在家中做宅男宅女？一於睇下以下介紹既五個週末渡假好去處啦！咁就唔駛再是行街食野睇戲咁dry啦！1. 愉景灣
講到渡假好去處，不得不提的一定是一點都不像香港的愉景灣啦！為什麼話愉景灣不像香港？因為一去到你就會覺得自己正身處在外國的渡假區咁，有水清沙幼的沙灘、清幽的環境、低密度的樓宇，當然仲有很多西式餐廳和酒吧！朝早入到去差不多中午，在露天茶座一邊吹住海邊一邊食住個豐富的西餐，食完可以去沙灘游下水、打下沙灘波，或者去不同的商店行下，再唔係搵個清靜又空曠的地方坐低欣賞下日落亦得 ！總之食玩買俱全的愉景灣，實夠你玩餐飽！若嫌玩不夠喉的話，仲可以book間酒店訓返晚起身再玩過，這樣週末兩日就唔憂冇訂去啦！
交通：由中環3號碼頭乘坐渡輪前往愉景灣，船程約25分鐘 ; 於東涌港鐵站乘搭DB01R或於香港國際機場乘搭DB02R或於欣澳港鐵站乘搭DB03R可直抵愉景灣巴士總站，車程約20至30分鐘 ; 於香港國際機場乘搭DB02A或於欣澳港鐵站乘搭DB03P可直抵愉景灣北商場或香港愉景灣酒店。船期可以留意愉景灣網頁：http://www.visitdiscoverybay.com/icms2/template?series=708&article=9334。
2. 南昌公園
秋天的時候個個都爭相去元朗大棠或者青衣公園睇紅葉，漫天紅葉自拍一張再po上網的確好吸睛，但秋天過後你又有沒有想過而家又有什麼植物好睇好影呢？答案就是去南昌公園賞花喇！南昌公園裡的行人徑兩旁種了30幾棵風鈴木，春天的時候黃花就會盛開令人好似置身在一個黃花海咁。而且，一講到野餐好多人都只會想起添馬公園、迪欣湖或者啟德郵輪碼頭公園，以後大家就多個選擇喇！來到南昌公園可以一邊欣賞黃花一邊在草地上野餐或者呼吸下新鮮空氣，都不免為一個拋開城市煩惱的好方法。公園內仲有兒童遊樂場，家長可以趁住星期六日帶埋小朋友去親親大自然！南昌公園絕對是一個老少咸宜、一家大細去、情侶去或者同朋友去都得的好地方！
地址 : 九龍深旺道20號
交通 : 乘坐九巴 12號或城巴 A21或港鐵 (南昌站站D1出口)3. 馬鞍山
竟然馬鞍山都是一個景點？聽完你就知道值得去觀摩下喇！首先，去馬鞍山又點少得馬鞍山公園呢 ? 由於馬鞍山以前是一個採礦場，所以而家馬鞍山公園內有個採礦展覽場，向遊人展示礦石標本和採礦設備等，比大家認識一下馬鞍山的採礦歷史。公園內還有個大草地比大家野餐，仲有個歷奇迷宮比各位挑戰。至於攝影發燒友在這個春天就更加要去馬鞍山公園影靚相喇！皆因公園內的杜鵑花即將在春季盛放！到時一定靚絕馬鞍山！另外，馬鞍山入面還有個寧靜的烏溪沙沙灘，小朋友可以去玩下沙，而大朋友就可以吹下海風聽下浪聲傾下計咁。情侶就可以一雙一對行下海濱長廊，睇埋個日落就最sweet喇！講到浪漫又點少得位於沙灘的海之心呢！其實它是一個由沙石堆砌而成的大心心，有沒有情人都好，唔影番張相就嘥曬喇！行到攰玩到攰 ? 唔緊要，隔離就已經有一個大型商場新港城中心，想食野行街買野都無難度！
馬鞍山公園地址：沙田馬鞍山鞍駿街十二號
馬鞍山公園開放時間：6:30 – 23:00
4. 坪洲
好多人週末都會選擇去離島玩和過夜，但每次都是去長洲食大魚蛋同去南丫島食海鮮，你唔悶我都悶啦！計我話，去下其他島嶼體驗一下不同的島[/img]上環境，例如坪洲，都是一個唔錯的idea！坪洲有咩玩？當然是行島上的特色小店啦！永安街和永興街是坪洲最多人最熱鬧的兩條街道，裡面有不少的特色店舖，例如傳統的瓷器店和懷舊店等等。歷史悠久的瓷器店裡的彩瓷是經由人手一筆一劃彩繪而成，夠曬獨一無二之餘，仲充份體現了傳統手工藝術的精湛和珍貴。店舖還設有瓷器工作坊，讓遊人可以親手製作屬於自己的彩繪瓷器。當然去到離島不少得食好野啦！島上有不少老店，例如懷舊冰室和舊式麵包店等等，啱曬城市人趁住週末去懷舊下！坪洲沒有長洲和南丫島這麼多遊人，遊客自然可以更加享受島嶼的寧靜，感受一下小島風情，甚至透過郊遊行山，了解一下坪洲的歷史故事。
交通：由中環6號碼頭乘坐渡輪前往坪洲，有普通船和快船供應。
5. 西九文化區苗圃公園
想在週末親近一下大自然兼增加一下自己的文化氣息？好簡單姐！去一轉西九文化區苗圃公園就可以滿足到曬你兩個願望啦！公園內有木板人行道供大家在藍天下漫步之餘，各位仲可以在公園內踏單車、在廣闊的大草地上一邊歎住一個靚到dum一聲的維港景色一邊野餐，仲可以去遊樂場尋找一下童真和去市集shopping 同做下手作仔！主人更加可以帶埋貓貓狗狗嚟親親大自然！鐘意種植或者影相的朋友更加要嚟！ 皆因文化區內有一個種了接近100個品種的植物公園，大家可以參加免費苗圃導賞團 (須事先網上預約)，將會有專人為你介紹不同品種的植物。值得一提的是，每個月的第二個週末，西九文化區苗圃公園仲會舉行自由約活動，有得睇電影仲有好歌聽，你唔係唔嚟啊嘛？
開放時間：6:00 – 23:00
交通：乘坐港鐵 (九龍站E4或E5出口 / 柯士甸站D2出口) 或九巴8、11、203E等或過海巴士914、930、935、962X、967、969、970、970X等。
週末放假想去玩但又唔想去啲又悶又去過曬的地方？一於參考以上5個週末渡假好去處啦！呼吸下大自然的新鮮空氣、欣賞下不同地方的景色，同家人、情人或者朋友一齊過一個悠閒放鬆的週末，先有energy迎接新一個星期架嘛！
文：Noelle
更多打工仔分享，追蹤 ECjobsonline 專頁 或 瀏覽 www.ECjobsonline.com
講到渡假好去處，不得不提的一定是一點都不像香港的愉景灣啦！為什麼話愉景灣不像香港？因為一去到你就會覺得自己正身處在外國的渡假區咁，有水清沙幼的沙灘、清幽的環境、低密度的樓宇，當然仲有很多西式餐廳和酒吧！朝早入到去差不多中午，在露天茶座一邊吹住海邊一邊食住個豐富的西餐，食完可以去沙灘游下水、打下沙灘波，或者去不同的商店行下，再唔係搵個清靜又空曠的地方坐低欣賞下日落亦得 ！總之食玩買俱全的愉景灣，實夠你玩餐飽！若嫌玩不夠喉的話，仲可以book間酒店訓返晚起身再玩過，這樣週末兩日就唔憂冇訂去啦！
交通：由中環3號碼頭乘坐渡輪前往愉景灣，船程約25分鐘 ; 於東涌港鐵站乘搭DB01R或於香港國際機場乘搭DB02R或於欣澳港鐵站乘搭DB03R可直抵愉景灣巴士總站，車程約20至30分鐘 ; 於香港國際機場乘搭DB02A或於欣澳港鐵站乘搭DB03P可直抵愉景灣北商場或香港愉景灣酒店。船期可以留意愉景灣網頁：http://www.visitdiscoverybay.com/icms2/template?series=708&article=9334。
2. 南昌公園
秋天的時候個個都爭相去元朗大棠或者青衣公園睇紅葉，漫天紅葉自拍一張再po上網的確好吸睛，但秋天過後你又有沒有想過而家又有什麼植物好睇好影呢？答案就是去南昌公園賞花喇！南昌公園裡的行人徑兩旁種了30幾棵風鈴木，春天的時候黃花就會盛開令人好似置身在一個黃花海咁。而且，一講到野餐好多人都只會想起添馬公園、迪欣湖或者啟德郵輪碼頭公園，以後大家就多個選擇喇！來到南昌公園可以一邊欣賞黃花一邊在草地上野餐或者呼吸下新鮮空氣，都不免為一個拋開城市煩惱的好方法。公園內仲有兒童遊樂場，家長可以趁住星期六日帶埋小朋友去親親大自然！南昌公園絕對是一個老少咸宜、一家大細去、情侶去或者同朋友去都得的好地方！
地址 : 九龍深旺道20號
交通 : 乘坐九巴 12號或城巴 A21或港鐵 (南昌站站D1出口)3. 馬鞍山
竟然馬鞍山都是一個景點？聽完你就知道值得去觀摩下喇！首先，去馬鞍山又點少得馬鞍山公園呢 ? 由於馬鞍山以前是一個採礦場，所以而家馬鞍山公園內有個採礦展覽場，向遊人展示礦石標本和採礦設備等，比大家認識一下馬鞍山的採礦歷史。公園內還有個大草地比大家野餐，仲有個歷奇迷宮比各位挑戰。至於攝影發燒友在這個春天就更加要去馬鞍山公園影靚相喇！皆因公園內的杜鵑花即將在春季盛放！到時一定靚絕馬鞍山！另外，馬鞍山入面還有個寧靜的烏溪沙沙灘，小朋友可以去玩下沙，而大朋友就可以吹下海風聽下浪聲傾下計咁。情侶就可以一雙一對行下海濱長廊，睇埋個日落就最sweet喇！講到浪漫又點少得位於沙灘的海之心呢！其實它是一個由沙石堆砌而成的大心心，有沒有情人都好，唔影番張相就嘥曬喇！行到攰玩到攰 ? 唔緊要，隔離就已經有一個大型商場新港城中心，想食野行街買野都無難度！
馬鞍山公園地址：沙田馬鞍山鞍駿街十二號
馬鞍山公園開放時間：6:30 – 23:00
4. 坪洲
好多人週末都會選擇去離島玩和過夜，但每次都是去長洲食大魚蛋同去南丫島食海鮮，你唔悶我都悶啦！計我話，去下其他島嶼體驗一下不同的島[/img]上環境，例如坪洲，都是一個唔錯的idea！坪洲有咩玩？當然是行島上的特色小店啦！永安街和永興街是坪洲最多人最熱鬧的兩條街道，裡面有不少的特色店舖，例如傳統的瓷器店和懷舊店等等。歷史悠久的瓷器店裡的彩瓷是經由人手一筆一劃彩繪而成，夠曬獨一無二之餘，仲充份體現了傳統手工藝術的精湛和珍貴。店舖還設有瓷器工作坊，讓遊人可以親手製作屬於自己的彩繪瓷器。當然去到離島不少得食好野啦！島上有不少老店，例如懷舊冰室和舊式麵包店等等，啱曬城市人趁住週末去懷舊下！坪洲沒有長洲和南丫島這麼多遊人，遊客自然可以更加享受島嶼的寧靜，感受一下小島風情，甚至透過郊遊行山，了解一下坪洲的歷史故事。
交通：由中環6號碼頭乘坐渡輪前往坪洲，有普通船和快船供應。
5. 西九文化區苗圃公園
想在週末親近一下大自然兼增加一下自己的文化氣息？好簡單姐！去一轉西九文化區苗圃公園就可以滿足到曬你兩個願望啦！公園內有木板人行道供大家在藍天下漫步之餘，各位仲可以在公園內踏單車、在廣闊的大草地上一邊歎住一個靚到dum一聲的維港景色一邊野餐，仲可以去遊樂場尋找一下童真和去市集shopping 同做下手作仔！主人更加可以帶埋貓貓狗狗嚟親親大自然！鐘意種植或者影相的朋友更加要嚟！ 皆因文化區內有一個種了接近100個品種的植物公園，大家可以參加免費苗圃導賞團 (須事先網上預約)，將會有專人為你介紹不同品種的植物。值得一提的是，每個月的第二個週末，西九文化區苗圃公園仲會舉行自由約活動，有得睇電影仲有好歌聽，你唔係唔嚟啊嘛？
開放時間：6:00 – 23:00
交通：乘坐港鐵 (九龍站E4或E5出口 / 柯士甸站D2出口) 或九巴8、11、203E等或過海巴士914、930、935、962X、967、969、970、970X等。
週末放假想去玩但又唔想去啲又悶又去過曬的地方？一於參考以上5個週末渡假好去處啦！呼吸下大自然的新鮮空氣、欣賞下不同地方的景色，同家人、情人或者朋友一齊過一個悠閒放鬆的週末，先有energy迎接新一個星期架嘛！
文：Noelle
更多打工仔分享，追蹤 ECjobsonline 專頁 或 瀏覽 www.ECjobsonline.com
請按此登錄後留言。未成為會員? 立即註冊