返工放工呢回事 · Day005 男男女女 · 女女男男 · 女男女男 · 男女男女 搞唔好會變成嬲

講東講西呢回事 於 14/05/2019 發表 收藏文章
Day005 男男女女 · 女女男男 · 女男女男 · 男女男女 搞唔好會變成嬲
「咁……好啦……唔該」瞄住佢行返埋位嘅背影,一步一步走開之後,而家先至鬆番啲。同佢溝通其實都好大壓力,佢講嘢嘅聲調,語氣,節奏,輕重都滲透住一種好平静好温柔嘅律動,感覺好舒服,舒服到無晒防備,好迷人亦好吸引但又好危險,令人集中唔到精神。所以只能夠望著個芒,創造一個比真實距離遠好多好多嘅距離。呢個距離僅僅足夠你抑壓內心嘅暗爽,有尊嚴咁回應佢。

其他人應該對佢印象都幾好,尤其係男人; 不過,我就唔知道係唔係每個男人都好似我咁對佢有咁嘅反應,阿Ric就肯定唔係。Richard喺公司嘅重要性遠遠大過佢已經喺工作上付出咗嘅貢獻。做嘢smart就唔在講,識玩,識食,識車,識投資,識女仔呢啲全部都幫佢建立咗一個集男女老幼上中下全方位嘅人際網絡。憑住佢上乘嘅質素,除咗公司上上下下都無邊個唔同佢friend之外,交游廣闊亦係佢最令人估佢唔到嘅地方。識得人多就預咗㗎啦,最估唔到嘅係闊度同深度可能比我哋老细再高啲。簡直係明日之星,更甚嘅係星中之星。不過又唔知點解,佢硬係好鍾意黐住我,啲同事仲講笑話我哋係hehe tim。佢自己就話得我同佢sync到,sync乜鬼吖,一路以嚟都係佢睇住我㗎啦。或者好似佢話齋,我seven囉。我唔同意,不過如果seven對件事有好處,咁no harm吖我覺得。揾食啫。

「喂,個draft搞掂咗,到你嘞。」
標籤: 男男女女    暗爽  hehe  no harm  Sync  

留言


請按此登錄後留言。未成為會員? 立即註冊
  • 紫蜜語 於 15/05/2019 評論 NO. 1

    好期待hehe嘅發展,哈哈xdxdxdxd

  • PMYIFP 於 15/05/2019 評論 NO. 2

    估你唔到喎

快捷鍵:←
快捷鍵:→