三個大考讀書方法必殺作戰策略

溫書方法｜三個大考必殺作戰策略
由9月到依家你準備好面對大考未?
話時話，咁快已經係10月中喇。
究竟你開始溫書準備大考定依然玩樂至上呢?

溫書 HAPPY
無論你係邊一群人都好，
尋補為你送上三個大考溫書必殺作戰策略，
希望幫到你哋準備以後嘅測驗考試!

溫書定好目標

溫書 STUDY

距離大考都仲啲時間，

但大考考咁多科，

平日已經要番學，

課後又要參加課外活動，

間唔中又補習，

未必夠時間溫習全部科目。

咁樣點算好?
係開始準備溫書之前，

一定要諗下大考目標喺想點?

究竟係想提高平均分定係想保住數學科合格?

自己心中一定要有數，

咁樣喺溫書嘅時候先唔會失左方向，

勇往直前。

制定計劃

溫書 好喇！

定好目標之後，

就要計劃一下溫書時間表！
溫書 TIME

整時間表係一個好好嘅方法俾自己有規律咁溫書！

例如逢星期一放咗學返到屋企，

定為溫習數學科同操練習，

溫完數學後7點就食飯休息，

跟住食完飯就可以做下功課或開始溫其他科。

之後星期二就溫CHEM、星期三就溫BAFS等等。

設計時好好平衡溫習與小休時間，

避免一科溫太耐，
因為一般溫習時間太長，

溫習效率一定會大大降低，

適當的休息是必須嫁。

溫書 SLEEPY

溫習與求救

真正去到溫書嘅時候，溫書

最好就搵一個寧靜啲嘅環境，

例如圖書館、自修室、學校或自己間房，

咁樣先可以專心咁溫書。

溫習果陣最好就遠離手機等電子設備，
溫書PHONE

否則就好大機會白白浪費咗溫習時間喇。

如果發現自己專注力唔夠嘅時候，

記得搵埋你嘅朋友一齊戰鬥

(但記得唔好變左質到時就恨錯難返)。

遇到唔識嘅內容時，

記得一定要問！

一定要問！

一定要問！

問老師、全班最勁果位同學或者係補習老師都得，
同佢地求救，

目的係要將唔識、唔明嘅內容搞返清楚，

等自己真係完全明白有關嘅內容，

咁係考試嘅時候出咗的話，

就唔洗驚佢啦!

最後希望你哋可以準備好大考喇!

溫書 拎A？

覺得有用嘅記得多多留意我地Page!

我地會定期發放有用資訊俾你哋嫁
加油!



(原文: 溫書方法)

此文章純屬 Tutor Circle Blogger 個人分享，並不代表本網誌立場。