《美國 - 香港關係法》無聲無色的風暴


最近呢兩個星期日,大批香港人都紛紛走上街頭,要求政府撤回“送中”惡法(逃犯條例修訂)。當中,有唔少人都會擔心一旦條例通過之後,將會影響到《香港關係法》,到時會大大影響香港經濟。唔知大家又知唔知呢個《香港關係法》係咩黎呢?

《香港關係法》,全名為《美國-香港政策法》(United States–Hong Kong Policy Act)。《香港關係法》其實係係1992年由美國國會通過。當時既通過既原因係因為英國政府即將係1997年將香港既主權移交比中國大陸,美國為左重新制定對港政策,所以就有左呢條法案。

《香港關係法》入面最最最核心既內容就係講緊美國政府係對外政策既方面會將香港特別行政區同中華人民共和國分別看待。根據《香港關係法》,美國會係出口管制、關稅、航運交通、文化教育交流等方面給予香港比中國大陸優待既待遇。當中,大家聽得最多既就係香港可以係《香港關係法》底下享有“香港獨立關稅區”既好處。或者大家最關心既簽證政策就係香港特區護照係受美國政府承認,當大家想去美國留學或者做其他野想攞美國簽證既時候,都會被獨立看待。

但係,當林鄭月娥希望推行“送中”惡法之後,美國國會開始希望想重新審視《香港關係法》。究竟點解美國國會有咁既反應?


《香港關係法》最最最核心既內容就係美國政府會將香港同中國大陸分別對待,香港係《香港關係法》底下成為一個有別於中國的「非主權實體」。呢樣野其實係建基於香港同中國大陸係各種制度都有好大既差別。

假如《逃犯條例》修訂成功通過,外界擔憂香港既民主自由將會被嚴重影響,香港高度自治名存實亡,令威脅到外商在港營商既信心同安全。美國曾經就《逃犯條例》修訂發表過聲明,指出如果一國兩制持續被破壞,香港係國際上既獨特地位亦都會受到影響。駐港領事唐偉康曾經公開表明立場,表示香港近年發生既政治事件都顯示香港高度自治被嚴重影響,北京對香港限制越黎越多,令美方擔心美商係香港既營商環境,並且暗示《香港關係法》有機會被影響。而最近,要黎既終於都黎左,美國兩名參議員共和黨Ted Cruz同埋民主黨Edward John Markey正式提出修改《香港關係法》。佢地希望修改法案以防止《逃犯條例》修訂後,中國濫用香港繞過美國法律。


假如《香港關係法》真係被修訂既話,首先被影響既一定係香港本地製造既商品,因為香港會同其他內地城市一樣,失去關稅優惠。假如美國向中國增加關稅,香港商品同樣會受害。除左經濟影響之外,港人要攞留學美國既簽證申請都會被收緊。而且,美國亦都會有機會限制一啲敏感高科技輸入香港。

呢到只係好概括咁樣向大家簡介左《香港關係法》。每個人對呢件事既睇法都唔同。但係無論你點睇都好,香港人,係時候做你應該做既野。


可以follow埋AGM美國加洲留學資訊台
http://Instagram.com/studyincalifornia
----------------------------------
訾騏教育 AGM Education
美國、香港專業教育咨詢
「2+2」一站式服務
助您輕鬆轉升頂級學府
查詢:info@agmuniversal.com

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→