美國佬冇帶身份證都唔洗去差館?

冇帶身份證都唔洗去差館?

“身份證唔該”,唔知大家係香港有幾多次街上面比差人查身份證呢?大家都知係香港要隨身帶住身份證,如果唔係比人查既時候冇既話就會比人帶翻去差館。但係係美國,要證明自己既身份,證明自己係美國公民其實唔一定要身份證。點解呢?係美國生活究竟需要啲咩文件?
係歷史上,美國聯邦政府從來冇向全國發放統一既身份證。但係係現實生活中有三個證件係唔同程度上都有身份證既作用。首先係係State ID。係香港,身份證都係由政府統一派發。而係美國就冇向全國發放統一既身份證,而係由各個州份自己頒布既State ID。上面有持證人既相、身高、地址甚至乎眼睛顏色都有。
下一個就係Social Security Card(社會安全卡),呢張卡重要既係佢上面既Social Security Number,簡稱SSN。SSN係比美國公民、永久居民同埋臨時工作外籍居民既一組9位數字號碼,主要係攞黎記錄低每個人既工作同報稅資料。現今,SSN既用途亦都十分廣泛,例如申請信用卡、入學、買車、求職、攞社會福利等等。只要同錢、信用或者福利有關既都需要用SSN。
最後係駕駛證。美國係一個汽車大國,所以幾乎每個成人都有駕駛證,所以係美國,駕駛證成為左廣為接受既身份證明。不論係坐飛機、申請銀行戶口或者做野,你都可以用駕駛證黎做身份證明。美國各個州份的駕駛證設計都唔一樣,但係重要既個人信息,例如住址、出生年月、樣貌、甚至乎身高體重都會輸入去全國統一既資料庫。
可以follow埋AGM美國加洲留學資訊台
http://Instagram.com/studyincalifornia
----------------------------------
訾騏教育 AGM Education
美國、香港專業教育咨詢
「2+2」一站式服務
助您輕鬆轉升頂級學府
查詢:info@agmuniversal.com

留言


請按此登錄後留言。未成為會員? 立即註冊
    快捷鍵:←
    快捷鍵:→