3.七月十四燒街衣~下集[原創]

談談靈異怪事 於 09/03/2016 發表 收藏文章
但諗都未諗完.....

我發現自己安全企係半層樓之間平地.時間只係一兩秒之間,我回頭望心諗:[吓! 我點落黎嫁!] 回想果一刻感覺好似有兩個'人'分別係兩邊扶著你,雙腳凌空離地飄落黎.我當時無驚亦無諗太多便跑下樓.陪母親燒完街衣後平靜甘回家,呢件事我當時無對母親提起.我每天如常上落樓梯回家,並沒有因此害怕.因為一直覺得'它'係唔會害我仲救左我.事發後幾年一直相安無事,呢件事亦開始淡忘.隨著時間改變出來工作及拍拖後,再無陪母親燒街衣了.

直到有一年有一晚,男朋友如常送我回家.到達大廈門口才發現當晚正是孟蘭節,我隨意看一眼便上樓.當我們有講有笑慢慢拾級而上.突然,我"噗"一聲好似比人絆了一腳,成個人當場雙腳跪下來.我男朋友立即扶起我,我裝作若無其事便回家!但那似曾相識的感覺,在我心中又怎會不知道內裡因由!答案呼之欲出,幾年前'它'救了我,幾年後 '它'又絆了我也是在同一位置.

事發第二日我即時同母親說出前因後果.母親也說:[人地當年幫左你,你傻下傻下多謝都無句,所以要你跪下還恩!]說完便拖我到七樓上香多謝一番!

其實,呢件事比我好深刻印象,亦令我係鬼神之說觀點上有所改變.一直以為'它'只會害人,嚇人,原來'它'亦有好的會幫你.


作者: bear panda
文章未經許可,請勿轉載

請支持靈異怪事facebook專頁

標籤: 燒街衣  七月十四  靈異故事  下集  

留言


請按此登錄後留言。未成為會員? 立即註冊
    快捷鍵:←
    快捷鍵:→