7. 鄰床的婆婆~下集[原創]

談談靈異怪事 於 23/03/2016 發表 收藏文章
剛想合上眼,鄰床婆婆突然大叫:[姑娘姑娘!快D叫我仔黎呀!我好肚餓,叫佢比野我食!]護士走入房同婆婆說:[婆婆你點呀?!]你吊緊盬水,唔會肚餓嫁.況且夜啦..聽日先叫你仔黎啦!]當時還說:[乖啦!你甘好精神,天一光叫佢黎探你,你訓啦!]婆婆安靜落黎,大家都不覺有異樣....

直到半夜,二姊被護士巡房探熱弄醒了.護士又幫鄰床婆婆檢查儀器,血壓同探熱等等.突然,聽到婆婆大嗌一聲!:[好痛啊!],二姊意識到鄰床婆婆有事,當時護士立即去找醫生,同時二姊係混亂間聽到婆婆嗌好痛之餘,中間還夾雜了 :[我唔走呀!我未見個仔嫁!你唔好拉我走呀!..我唔走呀!]嘩!我二姊聽到婆婆叫聲嚇到瑟縮在一邊,眼睛但又不由自主望向白色布簾方向.呀!~~她一望幾乎嚇暈了.

只見白色布簾有一個倒影,頭上反影出有角的,她第一時間便想到牛頭馬面來帶婆婆走的.她用被蓋過頭,捂著嘴不敢發出一點聲響深怕被發現.

最後,聽到醫護人員由急救至宣佈死亡,此時天已開始漸漸亮起來,二姊才鬆了一口氣!但心裡又替婆婆難過,她也騰折了一個晚上累了,最後不知不覺睡著了.直至醫生巡房批准她出院.
後話:唔知道大家又相唔相信呢?!今次 二姊只是見到反影並不是見到真身,究竟是否婆婆彌留之際胡言亂語定真有其事?就不得而知...


作者:bear panda
文章未經許可,請勿轉載


多謝觀賞,請支持談談靈異怪事facebook專頁

如果喜歡我們的文章,請即分享到︰

標籤: 靈異  怪事  鄰床  婆婆  

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→