權力遊戲

之前講過對面部門最大粒退休後，公司就係出面請個人番黎管。我簡稱叫大粒人。
如果想睇番之前內容可以係呢度睇
辦公室政治真係好睇過溏心風暴

呢個大粒人終於出招啦!
之前講過佢唔鍾意3號主管，佢連啲下屬都唔會放過。
話說大粒人於 上星期3 收工前，出咗個EMAIL之後就突然連放2日假，
而EMAIL內容都係通知啲同事(包括經理級) 執下自己啲枱，話因為老世覺得大家太多裝飾&雜物。唉...咪咁啦! 裝飾枱頭係大部份打工仔經常做嘅野~係米先?
好啦!~咁到第2日 星期4下午。
大家好興高采烈執緊自己張枱個陣，有2個做咗差不多20年嘅同事收到HR電話之後爆喊...原來大粒人一早落咗指令要炒人!!理由是重組部門!!
~將3號部門刪除並打散啲同事再分配落其他部門!
啊~姐係大粒人星期3落咗指令後，避免啲人去佢房示威，所以突然連放2日假!
啊~原來有預謀!

之後有HR同事上黎陪著那2個老同事執野，即時執野!補水!炒人!
3號部門啲同事呆晒!灰晒~因為冇諗過那2個老同事會被炒! 仲要係經理級...
而且大家都有個疑問~ 做咗20年公積金仲會唔會有呢?

隔咗個假期後，到星期一早上 HR帶咗2個新同事介紹比大家，原來係做那2個老同事嘅職位!
仲要原來係大粒人識嘅~噢! 答案呼之欲出...原來用重組部門理由去炒人，再將自己識嘅人安排落去!無縫接軌~厲害

下午HR就出咗最新權力架構表...

其實分分鐘其他公司做法仲狠，有啲直頭係過橋抽板。
簡單講一個:
大公司收購細公司，講話舊人照留~學晒技術後，一個月後，經理朝早番工拍卡入唔到公司，打電話俾HR，才知即時被炒~
保安陪著佢就甘俾個紙皮箱佢執野。晨早流流呀....陰公

係呢間公司，識刷鞋就平步青雲。
唔識刷鞋就毫無價值~
各位打工仔~fighting ! 祝大家早日搵到自己伯樂~

多多支持! 也會分享其他資訊喔~
↓↓++facebook++↓↓
路恩娜facebook專頁