韓劇【附身】

當初被呢套劇照吸引,因為一個美女配一個平凡大叔男人。
如果中途冇睇開,會跟唔上。因為殺人魔嘅靈魂先後附身咗3個人(主要角色)。^^"
主要附身 : 醫生→ 集團負責人 → 黑幫大佬

本劇講述邪惡的靈魂附身到人類身體裡進行犯罪,而有著超強直覺的不良刑警-姜必成(宋清晨飾)與擁有超強能力的靈媒-洪書靜(高準熹飾),利用各自的能力一起破案、打擊惡靈們,既驚悚又搞笑的故事。
其實我覺得成個故事係由心理變態嘅醫生引起!
如果唔係當初佢要個巫女 ( 女主角媽媽 ) 將殺人魔黃大頭鬼魂(元賢俊飾演)由陰間帶到陽間,
成件事都唔會死甘多人。
開頭都覺得有啲好笑,但後尾開始心情沉重。有一刻懷疑個作家是不是殺人殺上癮!
劇中呢個醫生角色,真係多得佢唔少!當然佢唔夠殺人魔-黃大頭勁啦!
黃大頭個樣一出場已覺得係極度危險人物! ↓↓
黃大頭吸收巫女靈魂後好似變咗超人咁!如有神力!而佢附身上去醫生度之後,殺人遊戲就繼續。
當時做重案組刑警 姜必成(宋清晨飾演)留意到案件犯案手法就去追查!
期間就咁遇到有靈力嘅女主角洪書靜(高準熹飾演)!
中途會睇到女主角洪書靜開始暗示追求男主角姜必成,但男主角覺得自己唔岩佢~(太自卑啦!)
之後再經過醫生死亡後,黃大頭鬼魂又附身到另一角色 吳柱赫 ( 延政勳飾演 )
顏值高又是集團負責人,熱心幫助社會弱勢在慈善事業上聲譽頗高,但暗地裡卻是有著惡魔本性,相信只要有金錢和權力,什麼事情都辦得到。
延政勳佢演得好好睇!~表面善良內裡惡魔!當殺人是遊戲~
而男主角同殺人魔對決~真替男主角汗顏,因為基本上同一個有法力嘅殺人魔對決!

其實理性啲分析,人類同有法力嘅殺人魔是跟本上都對決唔到!
咁之前米講有靈力嘅女主角洪書靜,佢同男主角嘅愛情線其實好少~=3=
之後因為男主角一路都捉唔到殺人魔,女主角最後決定由佢做巫女(成為神的人)再用法力去消滅。
佢地決定由陰間請番20年前捉過殺人魔嘅警察靈魂上來幫手。
而殺人魔靈魂最後附身於黑幫大佬身上作最後對決!


呢套劇裡好多角色都要死,包括:男女主角 + 佢地周邊人物 + 殺人魔附身者
去到最尾要男主角死埋才搞掂個有法力嘅殺人魔! =3=
所以咪話有啲心情沉重~以為有happy ending.

睇下啲片段吧

多多支持! 也會分享其他資訊喔~
↓↓++facebook++↓↓
路恩娜facebook專頁


留言


請按此登錄後留言。未成為會員? 立即註冊
    快捷鍵:←
    快捷鍵:→