辦公室政治家

最近，香港嘅事大家都好清楚，也唔洗我多講...
未計蘋果派、芒果派、香蕉派...哈哈，香港大致分為兩派：武當派&書生派。
而呢個分派活動蔓延到我公司...對面部門辦公室(幸好未到我部門)，大致分為： "哦~眉派" & 隱藏派。
"哦~眉派"由中年以上高職級為主，隱藏派 由年輕人為主。

正常識做嘅同事都避免在職場上討論政治野~費事煩!
但仍有一堆辦公室政治家會在辦公室高談寬論講政治~
每日用佢地獨門哦~功，日哦夜哦~哦到你皺眉! 煩燥不安~
務求令你歸順佢門派！到時大家一齊好像Keroro軍曹咁共鳴！kero~kero~kero....
隱藏派就盡量唔會在辦公室表達自己意見，多數因職級及意見問題，就無謂同你講到面紅耳赤啦!
但啲哦~眉派成日得閒會撩人講，想知對方咩門派~
又會發表自己偉論之後想得到人地認同。

對面部門同事覺得最尷尬係見客個陣，上司"哦~眉派"竟然同個客講政治!!
天呀!明明一個鐘嘅會議，搞到2個鐘才傾完!~浪費時間!
最搞笑個客問上司"原來你係武當派嘅~" 上司即刻扮中立派!
同事即刻反晒白眼~心諗:咩料呀! 敢哦~唔敢認!

對面部門同事基本上都由得哦~眉派自己講~因覺得無謂在公司討論嘛!
和平是福!
多多支持! 也會分享其他資訊喔~
↓↓++facebook++↓↓
路恩娜facebook專頁