小硫球高雄台南自駕遊 : 第四日 (周記小籠包 西螺祖傳麻糬 北高雄水族寵物館-明誠店 藏壽司 統一夢時代購物中心) 精選

 
最後一日得半日行程，加上早兩日去左唔少地方，今日會簡簡單單食下野就準備回港。
呢間樂逸文旅六合夜市棒球館各方面都幾好，有機會再訪高雄都會考慮再住下。
一早check-out完，就係酒店附近試下30多年老字號既周記小籠包。
一早唔算好餓，主攻小籠包就好。
熱呼呼既自家手工即包即蒸小籠包出場，就咁睇落唔算好薄皮。
食落皮卻不厚有點咬口，中間的豬肉調味剛好，雖不是爆汁但都有肉汁流出，出品有水準值得一試。

跟手再去找麻糬，今次試下西螺祖傳麻糬。
一片片既麻糬睇落冇咩特別。入口卻非常煙韌口感十足。
麻糬帶淡淡糯米香，配上香口花生及芝麻粉同吃更吸引。

跟住去寵物店行下，買下手信俾主子。
呢間兩層既北高雄水族寵物館明誠店都幾多野賣。
水族類商品及觀賞魚都唔少。
重有靚仔黑白店主坐鎮。
行完買完就向機場方向走，去到今年5月先開既高雄藏壽司時代大道店(全球旗艦店)食上機前既午餐。
呢度係幾好坐既，室內空間感十足。
食壽司都係諗住快靚正，如果趕時間唔好話一個鐘，可以15至20分鐘就食完就起行。
壽司款式唔算好特別，但都有唔少選擇。
蒸蛋軟滑。
刺身食落都新鮮。
壽司飯都做得可以，個樣同醋味都冇問題。

半個鐘就完成午餐，重有時間就去附近既統一夢時代購物中心作最後沖刺買手信。

離開購物中心10分鐘就到機場，還車過程暢順。
今次旅程雖有點趕，又北上台南又南下小硫球，但都幸好可順利完成。

周記小籠包
高雄市新興區南華路107號

西螺祖傳麻糬 程文照手工坊
高雄市左營區明誠二路318號
886 7 556 8065

北高雄水族寵物館-明誠店
鼓山區明誠三路729號
886 7 550 0560

藏壽司時代大道店-全球旗艦店
高雄市前鎮區中山三路11號

統一夢時代購物中心高雄市前鎮區中華五路789號
886 7813 5678

小硫球高雄台南自駕遊 : 第一日

小硫球高雄台南自駕遊 : 第二日

小硫球高雄台南自駕遊 : 第三日

小硫球高雄台南自駕遊 : 第四日