釜山蒲項首爾自駕紅葉之旅 第一日 ( 부산미도어묵Mido Fishcake 서울분식 梵魚寺 Space Walk天空步道 海雲台31公分海鮮刀切麵 許正宇炭火故事) 精選

 
今次紅葉之旅唔記得係買左機票先諗紅葉，定想睇紅葉先買機票，不過結果都係一樣。
行程第一日先飛釜山，即日上浦項留一晚，第二日浦項番釜山，夜晚坐KTX上首爾，第三及第四日留首爾及在附近地區遊走睇紅葉，最後坐夜機番香港。
順利釜山到著。
行過去domestic terminal個邊拎車。
入到domestic大堂就見到炸魚條부산미도어묵Mido Fishcake。
忍唔住買番兩條頂下肚先。味道甜一點但都有魚肉味。

拎車離開機場直接到第一餐既麵店餐廳。
本來想去大東奶奶湯麵，去到岩岩落場，就轉去後一條街既서울분식試下湯麵。食住爽口前菜等湯麵。
奶白色湯麵上檯。
麵條入口有嚼勁。
湯汁同配料比較清淡，不過到埗第一餐食清少少都係好事。

食完麵就直接到梵魚寺。1713年所建的梵魚寺帶點蕭剎。
可能已接近四點所以不少遊人已離去。
附近雖樹林茂盛但轉紅的不多。
遠處山林的樹木也大多未轉色。
既沒太多紅葉，就當來看看古蹟感受一下也好。
離開前天色已開始昏暗，七點左右到達蒲項市已入黑。
目標景點就係環湖公園入面既Space Walk天空步道。天空步道可由兩條路到達，一條較短但較斜，另一條較長但較平坦。
上到山丘頂就見到發光的Space Walk天空步道。步道可免費入場。
步道兩邊都可上到高點，可遠望市內夜景。
兩邊行到中間某一個位就要回頭，因為再行步道已是凌空倒轉。發光的步道在夜空中帶科幻感。

差不多八點是時候食晚餐，開車直奔海雲台31公分海鮮刀切麵 해운대31cm해물칼국수。
餐應主打蜆貝類海鮮。
免費泡菜比一般餐廳的更辣。貝類加上刀切麵用31cm大鍋煮好就完成。
蜆貝落得夠多所以湯汁帶濃郁鮮味。
青口貝類食落都鮮甜。
掛上湯汁既刀切麵，入口都係貝類鮮味。兩個人完成一窩就夠，一陣check-in完重有宵夜等緊我地。
完成海鮮麵就去Win Hotel check-in。
房間夠大可三邊落床。
電視用上大尺寸型號。廁所乾淨清潔。
重有兩人檯既食飯位。

休息一陣就起行食燒肉。 宵夜會食呢間허정우숯불이야기許正宇炭火故事。 
門外既肉櫃。 
兩人最少要叫三份肉。 
就揀左五花腩、護心肉同海鷗肉。 
前菜配菜都好多野。 
加埋燒肉放到成檯都係食物。 
五花腩油份足，護心肉以肉味作主打，點鹽同食已可以。 
海鷗肉最有咬口，同呢碟美味蔥絲前菜一齊食最夾。
食完就係酒店前既海岸線行下，睇下遊人放煙花。
最後買左杯麵試下，食完就好好休息。
부산미도어묵Mido Fishcake
1F Domestic Terminal, Gimhae Airport
051-972-5525

서울분식
13-436 Chojeong-ri, Daedong-myeon, Gimhae, Gyeongsangnam-do
055-335-5505

梵魚寺 범어사
Kumjongsan NO 546, Chungryong-dong, Kumjung-gu, Busan
051-508-3122

Space Walk天空步道
경상북도 포항시 북구 환호공원길 30 환호공원 내

海雲台31公分海鮮刀切麵 해운대31cm해물칼국수
경북 포항시 북구 해안로 231(두호동)
054-242-0050

許正宇炭火故事 허정우숯불이야기
경북 포항시 남구 축항로 24
507-1311-7450