第四日一早就要離開布里斯班，坐內陸機去悉尼，去到機場坐澳航有自助check-in同drop bag，完全唔使經地勤，真係都超方便，而且人唔多，成個過程10分鐘都唔駛。
到左悉尼機場，坐火車出市區雖然只係短短十幾分鐘，但成人單程就已經要$15.4，本來櫃台果個阿姐介紹我地買weekly pass，可以包埋去藍山既火車同巴士，7日票收$60，當時我地聽到佢話去機場既火車都搭得，但到買果陣時先發現要包埋去機場車程既話，要加多大 約$16，計過之後覺得唔抵所以放棄。我地只係留三四日，而除非真係留六七日，否則未必有著數。
悉 尼住既係Y HOTEL HYDE PARK，近Museum站，地理位置算方便，基本上市內最熱鬧既地方都可以行得到去。酒店都幾乾淨，我地住既係double room，間房唔大，有張書檯，有雪櫃仔，有電視，張床都幾腍，隔離郁果陣會好覺。廁所就要同一層share，唔肯定呢度有無套房，訂個時冇留意。唔知係 咪住八樓同水壓有關，出既水時凍時熱，水壓又唔大，如果對於沖涼有要求既話，都係唔太建議住呢間，但的確係平，只係六百幾蚊一晚包早餐。早餐係light breakfast，有多士同麵包，另外仲有六種唔同既穀物早餐，有果汁同咖啡茶，如果想食豐富d可以加錢叫人煮。 晏晝去左Jamie Oliver開既Jamie's Italian吃意粉，意粉係自家即製既，綜合網上既意見，我地叫左一個mussel linguine，另外仲點左一個polenta chips，唔飲野的話應該係可以叫水的。
呢間餐廳唔大，但內裡用餐空間卻十分長，係香港咁細既地方，都未見過咁長條型既餐廳。
我地就叫左罐San Pellegrino，呢罐野幾好飲，果味自然又唔過甜，後來係香港數字連鎖店都有入貨，不知幾開心香港都有得飲，不過成日斷貨。
意粉都唔錯，只係同平時食到既有少少唔同，粗身一0的，同埋硬身少少，個汁幾開胃，另外青口都好新鮮，至於廿幾蚊一碟值唔值就見人見智，我地純粹係去朝聖一下，不過香港都就快有佢既餐廳，唔使去外國。
Polenta chips好普通，係一d炸左個粟米粉條，加上芝士同香草碎，沒什麼特別，試左就算，食少d當留肚下一餐。 食完又要落格，係時候穿越大街小巷，周街影相同行下，市內都有唔少就地表演，幾好氣氛，當日天氣又唔太熱，十分寫意。
行到Sydney港灣附近，當然唔少得出名既大橋同歌劇院留倩影。當日天氣唔錯，所以影出黎既效果都好。
行番入市區，都發現Sydney除左發展，都保留左一d比較有特色及比較古老既建築物，似乎發展同保育都可取得平衡，希望香港係保育方便都可以做好d。
係外面行耐左，日間其實都有d熱，要做番d似香港人做既活動，就係行商場。呢個商場就算唔買野，都值得入黎睇下欣賞下。商場唔只外觀有特色，連裡面都有花心思去保留原貌，真係唔只得個殼似樣咁簡單。
去得商場就梗係要順便解決解決...
到四點左右去左Westfield Sydney商場，果度有間叫Max Brenner，專門係飲朱古力既，大約$5、$6一杯。
除左飲當然都有朱古力賣，而一杯朱古力飲品價錢唔平，不過幾好飲，有好香既朱古力味餘韻，似乎係悉尼幾出名，而個杯既做型都好特別，杯面係傾斜架。
晚餐就去Panackes on the Rock。朋友事前已經訂左位，如果七點去到基本上要等位，而根據朋友所講，悉尼咁多間分店，最好食既係Darling Harbour果間，The Rocks果間分店就開24小時。 呢度最好食既覺得唔係pancake，而係beef ribs。Pork ribs食得多，beef ribs印象中都未食過好似pork ribs咁燒法既。好既牛肉食得唔少，但呢個真係超好食，出黎既牛肉肉味濃郁，肥瘦均勻，嫩滑又多汁，好食到我地打算搵個時間再去一次，Beef ribs一份大約$25，以呢個質素黎講完全係超值，如果我戰鬥力好既話，我真心覺得一個人可以食到起碼一份。
另外仲點左一個Seafood crepe﹐但很普通可以不試。最後都要了一個strawberry pancakes，份量都幾多，兩個人未必吃得完，而朋友話就話叫the utlimate (薄身薄餅)會好食d。晚 餐過後由Harbourside行去唐人街，行左只係十零分鐘，經過一間叫做Harry's Cafe de Wheel ，記得網上有好多人提過，係食熱狗同pie的，咁有緣份當然唔可以放過。熱狗非常巨型，最貴果個賣$6.3，有腸、有肉碎、有洋蔥又有雜豆，相當大堆頭， 不過整體味道只屬一般，朋友話多人去既原因係因為Wooloomooloo果邊有一間開24小時既，所以好多人去宵夜。
食完熱狗，都以為今日應該功德完滿，點知行經唐人街附近，見到中式糖水鮮芋仙，又俾佢引左埋去。結果睇睇下就坐低左，叫左豆腐花芋圓，豆腐花幾滑，芋圓都有咬口，係西人地方食到咁既水準算不錯，收貨有餘。
Y Hotel Hyde Park
http://www.yhotel.com.au/content/hydepark.htm
179 Cleveland St Chippendale 2008 NSW Aus
Jamie's Italian
http://www.jamieoliver.com/italian/australia/home
107 Pitt St, Sydney NSW Aus
Max Brenner Chocolate Bar
http://maxbrenner.com.au/
Westfield Sydney, level 6, Cnr Pitt St Mall and Market St Sydney NSW Aus
Pancakes On The Rocks
http://www.pancakesontherocks.com.au/
4 Hickson Rd, The Rocks NSW Aus
Harry's Cafe de Wheels
www.harryscafedewheels.com.au
730/742 George St Haymarket NSWAus
鮮芋仙
http://www.meetfresh.com.tw/main.php
13 Goulburn St Haymarket 2000 (Cnr of Goulburn St & Dixon St in China Town
更多最新的飲食資訊在我的Facebook page，請給我一個’LIKE'吧！
預覽
到左悉尼機場，坐火車出市區雖然只係短短十幾分鐘，但成人單程就已經要$15.4，本來櫃台果個阿姐介紹我地買weekly pass，可以包埋去藍山既火車同巴士，7日票收$60，當時我地聽到佢話去機場既火車都搭得，但到買果陣時先發現要包埋去機場車程既話，要加多大 約$16，計過之後覺得唔抵所以放棄。我地只係留三四日，而除非真係留六七日，否則未必有著數。
悉 尼住既係Y HOTEL HYDE PARK，近Museum站，地理位置算方便，基本上市內最熱鬧既地方都可以行得到去。酒店都幾乾淨，我地住既係double room，間房唔大，有張書檯，有雪櫃仔，有電視，張床都幾腍，隔離郁果陣會好覺。廁所就要同一層share，唔肯定呢度有無套房，訂個時冇留意。唔知係 咪住八樓同水壓有關，出既水時凍時熱，水壓又唔大，如果對於沖涼有要求既話，都係唔太建議住呢間，但的確係平，只係六百幾蚊一晚包早餐。早餐係light breakfast，有多士同麵包，另外仲有六種唔同既穀物早餐，有果汁同咖啡茶，如果想食豐富d可以加錢叫人煮。 晏晝去左Jamie Oliver開既Jamie's Italian吃意粉，意粉係自家即製既，綜合網上既意見，我地叫左一個mussel linguine，另外仲點左一個polenta chips，唔飲野的話應該係可以叫水的。
呢間餐廳唔大，但內裡用餐空間卻十分長，係香港咁細既地方，都未見過咁長條型既餐廳。
我地就叫左罐San Pellegrino，呢罐野幾好飲，果味自然又唔過甜，後來係香港數字連鎖店都有入貨，不知幾開心香港都有得飲，不過成日斷貨。
意粉都唔錯，只係同平時食到既有少少唔同，粗身一0的，同埋硬身少少，個汁幾開胃，另外青口都好新鮮，至於廿幾蚊一碟值唔值就見人見智，我地純粹係去朝聖一下，不過香港都就快有佢既餐廳，唔使去外國。
Polenta chips好普通，係一d炸左個粟米粉條，加上芝士同香草碎，沒什麼特別，試左就算，食少d當留肚下一餐。 食完又要落格，係時候穿越大街小巷，周街影相同行下，市內都有唔少就地表演，幾好氣氛，當日天氣又唔太熱，十分寫意。
行到Sydney港灣附近，當然唔少得出名既大橋同歌劇院留倩影。當日天氣唔錯，所以影出黎既效果都好。
行番入市區，都發現Sydney除左發展，都保留左一d比較有特色及比較古老既建築物，似乎發展同保育都可取得平衡，希望香港係保育方便都可以做好d。
係外面行耐左，日間其實都有d熱，要做番d似香港人做既活動，就係行商場。呢個商場就算唔買野，都值得入黎睇下欣賞下。商場唔只外觀有特色，連裡面都有花心思去保留原貌，真係唔只得個殼似樣咁簡單。
去得商場就梗係要順便解決解決...
到四點左右去左Westfield Sydney商場，果度有間叫Max Brenner，專門係飲朱古力既，大約$5、$6一杯。
除左飲當然都有朱古力賣，而一杯朱古力飲品價錢唔平，不過幾好飲，有好香既朱古力味餘韻，似乎係悉尼幾出名，而個杯既做型都好特別，杯面係傾斜架。
晚餐就去Panackes on the Rock。朋友事前已經訂左位，如果七點去到基本上要等位，而根據朋友所講，悉尼咁多間分店，最好食既係Darling Harbour果間，The Rocks果間分店就開24小時。 呢度最好食既覺得唔係pancake，而係beef ribs。Pork ribs食得多，beef ribs印象中都未食過好似pork ribs咁燒法既。好既牛肉食得唔少，但呢個真係超好食，出黎既牛肉肉味濃郁，肥瘦均勻，嫩滑又多汁，好食到我地打算搵個時間再去一次，Beef ribs一份大約$25，以呢個質素黎講完全係超值，如果我戰鬥力好既話，我真心覺得一個人可以食到起碼一份。
另外仲點左一個Seafood crepe﹐但很普通可以不試。最後都要了一個strawberry pancakes，份量都幾多，兩個人未必吃得完，而朋友話就話叫the utlimate (薄身薄餅)會好食d。晚 餐過後由Harbourside行去唐人街，行左只係十零分鐘，經過一間叫做Harry's Cafe de Wheel ，記得網上有好多人提過，係食熱狗同pie的，咁有緣份當然唔可以放過。熱狗非常巨型，最貴果個賣$6.3，有腸、有肉碎、有洋蔥又有雜豆，相當大堆頭， 不過整體味道只屬一般，朋友話多人去既原因係因為Wooloomooloo果邊有一間開24小時既，所以好多人去宵夜。
食完熱狗，都以為今日應該功德完滿，點知行經唐人街附近，見到中式糖水鮮芋仙，又俾佢引左埋去。結果睇睇下就坐低左，叫左豆腐花芋圓，豆腐花幾滑，芋圓都有咬口，係西人地方食到咁既水準算不錯，收貨有餘。
Y Hotel Hyde Park
http://www.yhotel.com.au/content/hydepark.htm
179 Cleveland St Chippendale 2008 NSW Aus
Jamie's Italian
http://www.jamieoliver.com/italian/australia/home
107 Pitt St, Sydney NSW Aus
Max Brenner Chocolate Bar
http://maxbrenner.com.au/
Westfield Sydney, level 6, Cnr Pitt St Mall and Market St Sydney NSW Aus
Pancakes On The Rocks
http://www.pancakesontherocks.com.au/
4 Hickson Rd, The Rocks NSW Aus
Harry's Cafe de Wheels
www.harryscafedewheels.com.au
730/742 George St Haymarket NSWAus
鮮芋仙
http://www.meetfresh.com.tw/main.php
13 Goulburn St Haymarket 2000 (Cnr of Goulburn St & Dixon St in China Town
更多最新的飲食資訊在我的Facebook page，請給我一個’LIKE'吧！
預覽
請按此登錄後留言。未成為會員? 立即註冊