金所4.0 : 鳥久 精選

 
陳生呢排又有新攪作，前排試完佢既omakaze，今次係同區新開既燒鳥店鳥久。店家開到11點今晚經過附近，諗住過黎睇下menu同門面，見到未收工又唔使等位，就坐低叫幾串小試牛刀。
檯面只有七味粉，希望用唔著。
自助落單過程順利。

收你29蚊一串預左唔會用備長炭，不過個爐睇落都似夠火力。
呢度食物選擇都唔算太少，同埋主要分鹽燒同汁燒。
另外其他出品同飲料都係全部定價29蚊。
飲料定價29蚊唔算平但都幾大杯。
坐低食住椰菜當開胃菜等串燒。
鹽燒大蔥雞肉卷睇落都幾好，但食落冇咩味道。
店家都話佢地任何野都唔會預先調味，所以應該係落鹽輕手左，唯有自己加番七味粉。
鹽燒雞翼係唔錯既，雞翼燒得夠香口，外皮夠脆入面既雞肉又唔會太乾，可惜自己只顧住食，到記得未影相既一刻只剩番條骨~
雞尾骨即係雞屁股又叫七里香，入口油香十足咬落又有彈口，係今晚最好食既串燒。
免冶雞肉棒跟蛋黃一齊上檯，呢度既蛋黃冇落鼓油，應該想客人食到原汁原味。
雞肉棒既肉味係同出面一般食到既唔同味道，喜歡雞肉棒既人可以試下。
今晚小試牛刀食住咁多先，下次應該會試下重口味野。暫時唔係所有出品都做得好，希望店家繼續努力。

鳥久
地址：深水埗荔枝角道
吉業時間 : 1730 - 2300
Tel : TBC