今年另一半既生日晚飯，本來諗住食西餐以外既野，因為中午已食左西餐，但係IG見到有人推介，地點又唔算太遠就到小店慶生。小店位置有少少隔涉，不過都唔算太難搵。
Amuse Bouche餐前小食係紫菜卷鰹魚汁。
前菜先上Tuna Carpaccio with Orange & Sago薄切吞拿魚配香橙西米。
另一前菜係Cauliflower Panna Cotta with Herring Caviar花椰菜奶凍配希靈魚籽，奶凍做得香滑帶魚籽鮮味。
Pan Seared Duck Foie Gras with Wasabi Apple香煎法國鴨肝配芥末蘋果送上，芥末蘋果除左中和鴨肝既膩更可突出鴨肝既油香。
Bouillabisse馬賽海鮮濃入口有濃重海鮮味，而在上檯前用膠袋包住湯汁可令香味不易流失。
Hokkaido Sea Urchin Risotto北海道海膽意大利飯既海膽非常鮮甜，下面既意大利飯口感十足。
Pan Seared Cuttlefish with Crab Roe香煎刺身級紋甲魷魚上檯，魷魚係鮮味既只係成個菜式感覺比較普通。
Canadian Lobster Tail Thermidor法式焗加拿大龍蝦尾個鮮黃色醬汁睇落吸引之餘，食落夠creamy又可完全帶出龍蝦尾既鮮甜，呢道菜係今晚最好既出品。
Slow Roasted U.K. Pork Tenderloin慢烤英國豬柳既份量睇落唔多，但入口油潤兼肉香十足。
另外跟上既一盅薯蓉都做得軟滑。
甜品送上Lemon Verbena Souffle檸檬馬鞭草梳芙厘，香甜既梳芙厘同檸檬酸平衡得幾好又入口鬆軟。
今晚既出品都滿意，睇埋價錢就有驚喜因為咁多道菜只收呢個價錢，遲d有新menu可以再試。
La Bonne Attitude
地址：青山公路葵涌段539號昌宏大廈地下7號舖
Tel : 9088 8631
請按此登錄後留言。未成為會員? 立即註冊