更有感覺 : 越翠苑 精選

 
平日放工有事要入荃灣一轉，完事後要搵地方醫肚，天氣轉熱胃口都麻麻，就搵有湯粉之類既越式出品解決一餐。越翠苑兩年前食過一次，雖已唔記得食左咩但印象中出品幾好。
餐牌唔算多選擇，都係想象中既食品。
今晚就點左蟹膏湯檬粉同惹味既咖喱牛腩法包。
天氣太熱點杯牛油果沙冰降下溫。

呢杯出品啖啖都係牛油果肉，飲完都飽飽地。

蟹膏湯檬粉上埸，睇樣就對版。
蟹膏絕無欺場份量夠多又夠鮮味。
其他如豬紅豆卜札肉都齊曬，當中札肉最掂，口感同肉味都似足係越南食既出品。
咖喱牛腩法包就比較普通。
牛腩唔算好入味，另如果咖喱煮得再濃杰d會更好。
荃灣都多野食多選擇包括唔少東南亞菜，而連鎖式既餐廳亦都有越南菜分店係荃灣，不過呢種小店係裝修同味道方面都更優勝，更有越南當地既感覺。

越翠苑
地址：荃灣德士古道36-60號東亞花園地下A101B號舖Tel : 2772 1299