講起港式小炒，食友提起這店的出品算水準，終於找到一個齊人的星期五晚，大家聚在一起吃吃這裡的出品。
化皮乳豬是食友必點，今晚也是第一樣上檯。乳豬皮薄入口香脆，皮下脂肪不算厚，乳豬肉又有油香，果然是好東西。
蜜汁燒鱔也是食友必點，鱔皮夠薄已燒至香脆，鱔身厚肉食落冇泥味，入口也不斷有鱔油溢出，難怪係食友心水。
海鮮既豉椒蟶子皇加米粉上檯，米粉已炸脆，沾上豉椒汁更惹味，另蟶子夠大隻之餘，食落入口無沙也鮮甜。
蝦多士睇落炸得香脆，不過唔知係放耐左定回鑊原因，入口感覺較油膩。
份量十足既琵琶鵝上檯，鵝皮夠酥脆而皮下鵝油也很香口，如果鵝肉可以嫩一點就更好。
紅酒燴牛尾以煲上，牛尾食落夠淋身，而牛尾同蘿蔔都帶酒燴過後的香甜。
雙拼炸物既炸椒鹽鮮魷及白飯魚送上，鮮魷及白飯魚都炸得夠乾身火喉岩岩好，而席中有人話鮮魷好食但都有人喜歡白飯魚，真係鹹魚青菜各有所愛。
甜品既西米蓮蓉焗布甸都係食友必點，佢話再飽都可以獨食半碟。
布甸中既蓮蓉不過甜，入口軟滑無渣又帶焗過的焦香，出品有水準難怪食友再飽都秒速清碟。
小炒同燒炸菜式都算有水準，不過上菜太快幾乎食唔切，攪到有菜式放涼左影响左食感，下次可能要考慮分段叫菜。
太子海鮮菜館
地址：長沙灣元州街481號
Tel : 2743 3348
請按此登錄後留言。未成為會員? 立即註冊