車仔麵老店 : 佳佳粉麵店 精選

 
早兩個月前食友番香港一轉，大家相約到車品品探下老闆娘，閒談之間提起大角咀最老字號的車仔麵，應該非佳佳莫屬。今日又在附近找輕食，想起當日既對話就來食一次。
店內外裝潢都看得出歲月痕跡，尤其牆上既1998/1999臨時市政局頒既旺角區食肆衛生比賽冠軍獎狀，可見店家有一定歷史。
當年既得獎名單都係歷史遺物，店家話此店已開業70年，聽到真係嚇一嚇，不過攞獎之時都已經係25年前的事。車仔麵同餸已寫曬係一塊紅色牌上面。
兩個車仔麵分別叫左幾款唔同既餸，大致都正常，當中有幾樣值得推介。
豬腸十分入味有油香，食落又有滷水香。
蘿蔔又係好野，夠火喉又夠淋。
豬耳咬落脆口。
豬紅係近期食過最好既，入口非常軟滑。
一食到底，會再番黎試下其他車仔餸。

佳佳粉麵店
地址：大角咀福全大廈福全街14號地下
Tel : 2787 9569