2024鎮海櫻花及麗水自駕之旅 - 第三天 (麗水綜合水產市場 鎮海軍港櫻花節 鳳山燉排骨 ACT Hotel) 精選

 
今日一早會先去麗水綜合水產市場行圈，順便食過海鮮早餐後，開車去鎮海軍港櫻花節櫻花大會，夜晚會上大邱市食飯同留宿一晚。
起身出大堂行下，飲杯免費早餐既橙汁。
坐低睇下風景。
欣賞下麗水海岸線景色就出發食早餐。在麗水市場附近行一行，已見到幾顆櫻花樹。
麗水綜合水產市場入口。
旁邊已係停車場唔使煩泊車。
話曬都係沿海城市，所以麗水綜合水產市場都幾多海鮮檔。海邊城市既水產市場感覺同內陸既市場係有分別，海產睇落都好生猛兼種類更多。

行完就係一排熟食檔中搵一間坐低。
我地得兩個人叫唔到太多，叫左$25,000won既牙帶魚套餐就好。
海鮮市埸既前菜都好食。
重有前菜中唔常見既魚仔乾。

牙帶魚上檯，兩大截牙帶魚份量都唔少，店家重要搭多條鯖魚，兩個人夠食有突。
燒好既牙帶魚有點焦香，入口有魚油唔算好豐富，但魚肉味濃郁又軟滑，真係一開始就食唔停口。鯖魚雖係配角，肉味及軟滑度不及牙帶，但呢半條既魚油超多，入口啖啖油香。食到剩番魚骨真係好滿足，可以精精神神咁去鎮海賞櫻。

到達鎮海約一點，聽到震耳飛機聲，原來有幾架戰機噴住5色彩帶係上空飛過，真係好震撼。
未睇櫻花先有挑戰，因為有極大量汽車湧入鎮海，市中心泊車位真係一位難求，不過市內既學校或橫街街邊都會變成泊車位，肯行遠d都可以搵到位。

鎮海軍港櫻花節主要有3個櫻花景點。包括沿著餘左川溪流兩旁約1.5公里櫻花夾道的步道，慶和站內櫻花群盛放的鐵路圍園，以及揸車上山順道賞櫻既山上安民嶺十里櫻花路。[/url]由於市內極多外來車，加上旅遊巴及為左櫻花節加開既免費市內穿梭巴士線，塞車非常嚴重，所以今次只去餘左川櫻花道及慶和站櫻花群。
先去餘左川溪流櫻花夾道的步道行下。其實未到餘左川溪流，已見櫻花夾道，好多遊人已忍不住坐住車都開始打咭。
愈近川溪流就愈多櫻花樹。
去到餘左川溪流旁更不得了。
櫻花樹夾道而開。
超過1公里既川流兩邊都係密麻麻既櫻花樹。
影相既話想要櫻花打爆個畫面?冇難度可言。川流中間亦有襯托櫻花樹既擺設。向前或後望都係一整排櫻花。
叫得做節慶當然有市場同藝術文化表演等活動，不過除左櫻花，最吸引自己既都係溪流沿途有餐廳同大量小食檔。沿川流由北向南，去到鎮海站前的大街Chungjang-ro，就可見到免費市內穿梭巴士線。
上左藍色既4號線順便休息下。
到慶和站對面落車。慶和站櫻花路入口。
慶和站櫻花群跟火車。
櫻花群跟餘左川不同，唔係兩列排開。
而係站內周圍都有櫻花樹群。樹下有唔少攤檔，可以一邊賞櫻一邊遊玩。站內亦有表演助慶。
睇完表演要番去餘左川個邊攞車，等shuttle既時候食少少野補充體力。
番到餘左川仍然非常熱鬧。
開車離去前仍可在車上順道欣賞櫻花群。
賞完櫻要北上，今晚會係大邱留宿。上到大邱直接去食晚餐。
今晚揀左大邱鄉土美食既鳳山燉排骨。
餐廳係東仁洞燉排骨一條街。
前菜醬料轉頭就上齊。
前菜中竟然冇辣泡菜，不過其他都幾開胃。

燉煮排骨之所以出名，話係用左傳熱度高既白銅鍋，令煮出既排骨肉質更有嚼勁同好味。
燉排骨似乎都用左唔少醬料調味。
排骨食落味道係十分濃郁。
如果覺得太重口味，加多一點埋其他配菜同吃，口味會比較平衝同清爽。

食完晚餐先去ACT Hotel。呢邊應該係新區，因為附近冇咩其他建築。
酒店大堂好光猛新淨，地下parking都免費。
房間夠大又新淨，但廁所度門係電動，最煩係每次開門都會有聲，唯有成晚開住度門先可以好好訓一覺。

麗水綜合水產市場여수 종합수산시장
전라남도 여수시 남산로 60-31
+82-61-662-7268
鎮海軍港櫻花節 진해군항제
경상남도 창원시 진해구 통신동
+82-55-546-4310

鳳山燉排骨
대구광역시 중구 동덕로36길 9-18
53-425-4203

ACT Hotel 大邱
843-1 Daeheung-dong, Suseong-gu, Daegu
53-793-0000