2024鎮海櫻花及麗水自駕之旅 - 第五天 (湧金屋용금옥 Bok Hodu 景福宮경복궁 黃金豆田황금콩밭 超飯食堂초반식당) 精選

來到最後一日旅程，雖然由北到南來回左一次，好彩狀態算幾好，今日可以繼續周圍食完先回港。
訓醒執完野，直接去湧金屋용금옥食個早既午餐。湧金屋용금옥主打一味泥鰍，不過可以煮湯或香炸。
傳統韓國餐廳要席地而坐。
等食時間睇下店內珍貴舊相片。
煮湯都分成原條煮或磨碎既南原式泥鰍湯做法。
點左原條同磨碎煮湯各一試下。
原條泥鰍湯比較食得出泥鰍肉味同軟滑口感。
磨碎南原式泥鰍湯就湯汁較濃郁，但碎左既魚肉要連骨食有點麻煩。
最後配飯麵同吃，而吸左湯既麵條都好食。
完成泥鰍湯就附近行下，搵下手沖飲品店。
等緊開心果奶昔既時候，見到隔離既Bok Hodu牛油紅豆核桃果子店。
出品幾吸引又唔貴。
果子睇落吸引，就順手買左盒紅豆牛油口味帶回港。
個胃重飽緊，天氣又幾好，就去左做遊客做既事，行下景福宮경복궁。
好多遊客都換好衫去影靚相。
轉頭去埋鍾路區步行街。
今朝早11點就食午餐，兩點幾就食多一間餐廳黃金豆田황금콩밭。
兩點幾到埗，大部份客人已完餐離座。
唔算好肚餓，叫兩個豆腐湯就好。
辣豆腐湯唔算好辣，豆腐食落係幾軟滑。
大醬湯好足料，感覺更夾豆腐，覺得醬香帶得出豆腐既豆香。

食飽就係個區行下街，順便影下街貓。
市內都有開得燦爛既櫻花樹。

行到5點左右就番明洞區，準備食個早既晚飯後去機場。
其實未知食咩做晚餐，但就搵左麵包店買包當宵夜先。
買完包行出去不遠處，見到有韓烤店已有人排隊等入座，八卦望下餐牌同網上comment好似都唔錯就跟機試下。
呢間超飯食堂초반식당用鐵板黎烤肉，似乎都有唔少日本人同本地人幫襯。
檯檯都叫五花腩，咁即係五花腩係必食，再加份豬頸肉同烤大腸就夠食。
烤好既大腸外皮香脆。
煎香既五花腩雖然冇炭火味，但食得腩肉最緊要係肉味同油香，而呢度既油香好濃。
食完就乖乖拎行李去機埸。
入左禁區冇野做就試下Bok Hodu既出品，個紅豆牛油泡芙又幾好喎，唔太甜但重牛油味。

湧金屋용금옥
서울특별시 중구 다동길 24-2
+82-2-777-1689

Bok Hodu 복호두 광화문점
서울 종로구 종로1가 24 르메이에르종로타운 1층 107-2호
010-8358-1060

景福宮경복궁
서울특별시 종로구 사직로 161
+82-2-3700-3900

黃金豆田황금콩밭
서울특별시 마포구 마포대로16길 9
+82-2-313-2952
超飯食堂초반식당
서울 중구 수표로6길 8-1 1층
+82-2-2261-2005

2024鎮海櫻花及麗水自駕之旅 - 第一天

2024鎮海櫻花及麗水自駕之旅 - 第二天

2024鎮海櫻花及麗水自駕之旅 - 第三天

2024鎮海櫻花及麗水自駕之旅 - 第四天

2024鎮海櫻花及麗水自駕之旅 - 第五天