第二日一早先到Toyota拎車，準備開車南下既旅程。天氣唔錯順利南下。
第一站先到LaLaPort湘南平塚，室內商場可以嘆住冷氣行。
泊好車一入商場見到炸物店とんかつ新宿さぼてん ららぽーと。
有人雙眼就發光，即刻買幾件試試佢。
炸物都預先炸好所以唔夠熱，但食落仍香脆亦唔會一口油。
行多一陣就決定留番係商場既food count食午餐。
叫左Toro加銀魚仔魚生飯、沾麵加豚肉飯、牛脷飯及小食大家一齊分享。
食完午餐見附近有間甜品店Ashi葦，二話不說開車去睇下。
過左午餐時間但仍然唔少客人，即刻睇下menu快快落單。
食友未坐低但睇見人地個芭菲已心心眼，當然要跟機試下。
另再叫件開心果撻及草莓刨冰試下。
芭菲冇試但友人食得幾開心。
開心果撻好足料。
草莓刨冰透心涼，草莓汁用左好多草莓肉。
食完甜品就直接去熱海新富士屋飯店。
中途都有點塞車，市內的遊人和外來車比想像中多，check-in完都已5點幾。
窗外熱海景色，對海既房可能睇到煙花。
日式榻榻米房要訓地下就預左。一早知房間比較舊，好在只是舊但不算太殘。
廁所都係舊式，不過住一晚還好。
8點20分放煙花，7點幾就要到海灘搵位置，所以6點就出發，往市中心方向搵餐廳食晚飯。
市中心極多遊人，而我地要八人大檯又有小朋友，想搵岩食又有位坐低食飯已係難題，最後係熱海駅對面商場內，見到有大檯既意式餐廳就即刻坐低。隨心先叫叫幾個沙律加小食。
意粉唔夠熱，但味道正常又唔貴大家都收貨。
食完經過熱海布丁 1號本店，人龍又唔長，當然要買埋一份睇完煙花番酒店試下。
我地人多可以買曬所有口味。
沿途行去海灘已知一定好熱鬧，去到真係人山人海。
煙花準時發放，一開始是一輪不停的大範圍發放。
開始時的影片。
中段放慢一點，多左其他色彩及圖型既煙花。
最後幾分鐘又急攻一輪，睇到周圍既群眾都嘩嘩聲。
睇完煙花人潮散去，可以開始係海灘玩小型煙花。
今晚晚餐食得比較早亦有點趕，十點過後就食宵夜。
呢間鳥滿就在酒店三分鐘腳程之內。
沙律前菜幾爽口。
串燒都可以，雞肉睇落有點乾但雞味濃。
雞翼同雞棒睇落燶少少但食落香口。
炭爐用來燒用錫紙包住既燒魚，不過個爐真係幾熱，冬天叫會好feel好多。
食飽就行去MaxValu熱海店買少少生果。
係時候番酒店浸浴，呢度有兩個溫泉同一個大浴場，可以好好浸一浸先訓覺。
LaLaPort 湘南平塚
神奈川県平塚市天沼10-1
0463-73-8300
とんかつ新宿 さぼてん ららぽーと湘南平塚店
平塚市天沼10-1 ららぽーと湘南平塚 1F
0463-75-8511
Ashi葦 平塚西口本店
平塚市⼋重咲町12-28 葦ビル1F
0463-22-1102
Atami New Fujiya Hotel 熱海新富士屋飯店
熱海市銀座町1-16
0557-81-0111
熱海布丁 1號本店
静岡県熱海市田原本町3-14
0557-81-0720
熱海海上花火大会
静岡県熱海市渚町地先 親水公園ほか
0557-85-2222
鳥滿
静岡県熱海市銀座町9-12 AQUAビル1F
050-5488-5552
MaxValu 熱海店
静岡県熱海市中央町19-39
0557-82-2221
請按此登錄後留言。未成為會員? 立即註冊