5月曼谷行走訪左兩間曼谷人氣餐廳，包括講左下年退休既Jay Fai，呢排聽到曼谷團友話又想食下泰菜，就試下近期唔少人推介既泰排檔。
晚市開6點但今餐成8個大人，所以6點前就開始排隊等大檯。
坐低望一望餐牌，人多就隨心點一堆野。
炸豬皮酥脆，不過更鍾意吸左湯汁既炸豬皮。
生蝦幾好食落新鮮無異味。
船麵好似係呢度主打，出品的確有水準，湯汁夠濃夠惹味，配料如牛丸都有牛味。船麵有金邊粉同蛋麵可選，食完覺得蛋麵比金邊粉更好。
鹹蛋木瓜沙律正正常常，只是鹹蛋味不太食得出。
生菜包既生菜爽脆，但炒肉碎少左一點鑊氣。
燒豬頸肉沾醬汁後油香更突出。
啖啖蟹肉奄列還可以，但要講既話真係係同Jay Fai係外層口感同蟹肉都有分別。
Jay Fai既蟹肉更結實同完整，不過Jay Fai出品貴好多都係事實。
燒牛肉都可以，入口有牛味只是烤香味較弱。
炒河粉有鑊氣而河粉亦夠色。
泰式蠔餅等到最最最後先出現，口感係炸出黎食落比較碎，蠔肉亦不算多。
雪糕之中都係棷子口味最受歡迎。
泰排檔 Thai Pai Dong
佐敦文苑街24號地舖
TEL : 6648 0179
請按此登錄後留言。未成為會員? 立即註冊