近年尖沙咀愈來愈多吉鋪，漆咸圍附近都係重災區。
不過鋪租愈跌愈低之下，就多左新餐廳係地鋪開業。
呢間魔廚同灣仔既出品唔同，叫得茶室就係專攻茶記出品。
出品唔算多，都係茶記熟口熟面既野。飲品正正常常，出面有d熱華田入口好淡，呢杯落足料飲到底見到有層華田粉。而凍檸茶少甜少冰都做足。
放棄沙牛麵試下黑牛麵。
黑牛即黑椒牛肉，牛肉有黑椒香味之外，冇咩梳打粉味又唔太韌。
個麵煮得有一點生，不過食多一陣個麵吸多左湯就岩岩好。
魔廚肉餅焗飯就冇咩香氣，冇咩焗飯既感覺。
睇塊芝士都唔係好溶，就知焗既時間或溫度未夠，另肉餅都厚身有咬口，但調味可重手一點。
西多條入口唔係鬆脆個類。
不過外層夠蛋槳又唔會太甜，想叫甜食都可試下。
晚餐時段似乎有牛扒餐，睇下有冇機會經過就來試下。
魔廚茶室 MD CAFE
地址：尖沙咀金巴利道80號奇盛商業大廈UG樓
Tel : 66519157
請按此登錄後留言。未成為會員? 立即註冊