宮崎牛放題 : 牛角Buffet

雖然幾個月前去過日本，而家間唔中都會掛住日本既美食例如燒肉，諗太多都冇用，放假既日子不如行動，走去食番餐日式燒肉開心下。
之前有朋友食過呢度既既放題話唔錯，話有全新餐目四大升級，所以趁假期就去試下。
首先放題既時間延長左。Level 1至Level 3既用餐時間有120分鐘，不過由於見到呢期有宮崎牛推介，所以就揀左180分鐘既Level 4，可以食到靚和牛之外，仲可以慢慢又唔駛咁趕。
一開始就點左一ROUND宮崎牛先，跟住就出去睇下自助區。
自助區選擇都幾多，有自選沙律，食肉食到漏既時候就可以配啲沙律清一清，亦有幾款日式涼菜好似中華沙律、螺肉、泡菜等前菜。而熟食方面有關東煮、脆薯、咖喱角等。當然唔少得自製牛角飯，平時食燒肉要散叫，呢度就可以任食，仲可以加好多好多紫菜，好開心。

另外仲有一啲蔬菜可以燒，好似粟米芯、巨型長青椒、翠玉瓜等等。
飲品選擇都唔少，茶啡汽水就一定有，不過幾鍾意佢有兩款自己製既特飲，清新得黎又唔會太甜。
甜品除左雪糕，重有一整個甜品櫃。仲可以自己整雪糕窩夫同班戟。
第一輪有最期待既宮崎牛。
當中包括宮崎牛厚切特上肩胛肉、宮崎牛厚切肩胛肉、宮崎牛一口牛及宮崎牛赤身肉。油香在空中散發令人期待。肩胛肉結實中帶油香，而一口牛的口感很實在。
宮崎牛赤身肉入口柔軟之外也帶濃濃肉味。
吃完宮崎牛，都試左入味的壺漬黑毛和牛、鮮甜的北海道帶子，仲有蟶子同彈牙連殼鮑魚。
極上牛舌芯口感唔錯。其實除左宮崎牛，仲有澳洲M6和美國SRF和牛，不過最頂級既當然係宮崎牛啦。
除左肉，仲有好幾款食物都好吸引，好似蠔、魚味濃郁的北海道赤魚一夜乾、油香爆燈的燒鴨肝同埋惹味的蟹味噌。
食到最後雖然好飽，不過食完甜品都係忍唔住再食多幾塊宮崎牛先走~